كتير بيتمنى ده بس ..
" مش كل حاجة ممكن نوصلها .. دة اكيد .. بس ليه ؟! ليه اكتر حاجة نفسي فيها تكون الحاجة الي مقدرش الاقيها ؟!
يا ريتني ما شفتها . يا ريتني ما بصيتلها ..
مش عارف اخطي قدام واكتر مش عارف ارجع ورا ..
اميرتي بعيد عني .. مش قادر اوصلها ومش عارف ابعد عنها
وعليها عايز انادي .. قلبي بيقول نادي . وعقلي بيقول يا هادي ...
وبينهم احساس غريب بيقول مش هتسمعك ولا هتعرف مين بينادي .
حبيبتي .. اميرتي .. نور قلبي وحياتي .. شمعة دنيتي واحلامي .. شمس رحلتي وايامي .. عذابي وهمي يا حياتي
عمري ما احتجت حد زي ما احتجتها .. عمري ماحسيت اني بعيد عن حد زي ما حسيت اني بعيد عنها ..
اتمنيت تحس بيا .. اتمنيت تكون ليا ..
كانت بالنسبالي كل حاجة ... وكنت بالنسبالها ولا حاجة
فهمت ان امنيتي في اميرتي كانت وهم .. بس وهم .
عرفت اني لازم ابعد .. وكان كل الي اقدر اتمناه ..
انها تكون سعيدة .. حتى لو مش هتحس بيا .. حتى لو مش هتكون ليا "
وعشت في الهم مش عارف اخرج منو ... ربنا يوفق الجميع ويارب يارب محدش يمر بالي انا فيه ده ويهدي ويرحم الجميع .. كل سنة وانتو طيبين وعيد سعيد ان شاء الله