طبعا كلنا عارفين موضوع النصباية اللي بتحصل عن طريق الإيميل
بس للأسف في ناس لسة لحد النهاردة بتقع فيها
النهاردة حصل معايا حاجة زي دي
بس الحمد لله أنا عندي خلفية بالموضوع ده
المشكلة في الناس اللي معندهاش خلفية
أو بيصدقوا الكلام اللي مكتوب فيها
و للأسف الشديد
كلامهم مقنع جداً و يخوف جداً
و هشرحلكم قصدي إيه في المثال اللي حصل معايا
أولاً
الإيميل ده لا صلة له مطلقاً بشركة الإس بوت
في الواقع
الشركة ليها 4 إيميلات بس بتتعامل بيهم
4 بس مش ليهم خامس
ثانياً
هنترجم بقى الكلام اللي قايلينه ده عشان يوقع قلب أي واحد
"نطلب منك أن تعيد تأكيد بيانات أكونتك ...... و إذا لم تفعل ..... سنضطر إلى إيقاف الأكونت ( يعملوا Bann للأكونت يعني ) لأجل غير مسمى"
طيعا في ناس هتشوف الكلام ده هتجري تحت و تدوس على
Sign In Here
و يكتبوا الآي دي و الباسوورد
و ساعتها
بالشفا
و كل سنة و حضرتك طيب
طار الإس بوت منك
طيب و إيه الحل
بمنتهى البساطة
الحل إنك لما تشوف رسالة زي دي
تمسحها وش
واحد يقولي :
طيب ليه يا عم إفرض طلعت فعلاً من الشركة ؟؟
أقوله بص كده
شركة الـ Bot-Cave لن تسألك نهائياً عن بيانات أكونتك --------------> دي ترجمة العنوان
ترجمة المقاطع
1- مؤخراً ، النصابين يبعثون إيميلات مزيفة إلى عملاء الـ Bot-Cave
2- شركة الـ Bot-Cave لن تسألكم
نهائياً عن بياناتك الخاصة (
لا ترسل أي إيميل به بيانات أكونتك أو عنوانك أو بيانات الفيزا الخاصة بك إلى أي شخص آخر )
3- من فضلك كن حذراً ، لأننا لا نريد من عملائنا أن يصبحوا ضحية لهذه النصباية
تحيات إدارة الـ Bot-Cave
كده محدش ليه حجة
اللي هيتنصب عليه تاني و ييجي يقول إلحقوني و الكلام ده
يروح يبيع بليلة أحسنله
القانون لا يحمي المغفلين
عبداللطيف