بـسـم الله الـرحـمـن الـرحـيــم
( بـتـحـب الـسـرعـة .. حـبـهـا يــ ريس ــا بـس مـش ع حـسـاب غـيـركـ )
-------------------------------
لما واحد سنه لا يتعدى الـ 18 سنة يمشى بسيارة تقدر قيمتها بملايين
على سرعة تتجاوز الـ 180 كم / ساعة
يبقى فيه حاجة غلط
من أسابيع عدت سمعنا عن الحادثة اللى تناولتها وسائل الأعلام
و هى حادثة الشاب اللى كان ماشى على الدائرى بسرعة
أكثر من 150 كم / ساعة
و انقلبت به العربية و أصاب 17 و قتل 24 واحد
و كل ده بسبب
((( الإســـــتـــــهـــــــتـــــــــار )))
بتاع الشباب الأيام دى
تلاقى الواد راكب جنبه صحابه و طاير كأن مفيش حد ماشى معاه فى الشارع
مفيش حاجة إسمها كدة غير هنا فى مصر
ليه ؟
علشان إحنا محتاجين ننمى ثقافة الذوق و الأخلاق عند الشباب من أول و جديد
و على فكرة الأزمة مش فى السرعة بس ياريت !!
تلاقى البرنس ضارب سيجارتين بانجو أو واخذ نفسين حشيش
و يطلع بالعربية ولا شايف حاجة
و البس بقى يا معلم
يعنى أنا مش عارف علشان ننمى ثقافة الذوق و الأخلاق عند الشباب محتاجين نعمل إيه ؟
حد عارف ؟
طب حد فاهم حاجة ؟
أنا أول مرة بصراحة اتكلم بطلاقة أووى كدة
مخنوق
الواحد لازم يكون عضلات و عصب و معاه سكاكين و مطاوى علشان يعرف يمشى فى الشارع
و لو قلت لحد بيثبتك ( لا ) خلاص { الله يرحمك } و يرحم الشباب اللى بيضيع
المشكلة فينا ولا فى الأساس و لا فى المستوى الإجتماعى ولا إيه ؟
طيب : لو فى المستوى الإجتماعى ،،
الشاب اللى عمل الحادثة ده راكب عربية بملايين و ابن ناس و معاه فلوس
يعنى المشكلة مش فى ولا التعليم ولا الفلوس
المشكلة فينا إحنا
فكرنها بلطجة ، البقاء للأقوى
لا
لا
لا
إحنا مش فى غابة ولا إحنا فى غابة ولا إيه ؟
حد عنده أى إقتراح ولا محدش فاهم حاجة ؟
.
.
.
.
محدش فاهم حاجة خالص
على كدة
إحنا ضايعين ضايعين لا محالة ( على رأى أحمد عيد )
يـلا سـلام
