[H_e_L_L is coming]

عاملين ايه يا رجاله؟

اتمنى تكونو بخير

اكيد كل واحد له رأي في سلك رود فور ارب وعايز يقوله
طب اهي جت الفرصه
واللي عايز يكتب اي حاجه زي طمواحاته في المنتدى ورايه في الاقسام وكده يعني
وانا هبدأ
اولا:رأيي في الموقع
انه موقع ممتاز يربط بين الناس لتكوين صداقات جديده غير الاستفاده و الافاده اللي بنلقيها ف المواضيع
ثانيا:رأيي في المشرفون
طيبين ولكن صارمين وف كلتا الحالتين مش وحشين بالعكس دول بيبذلو اقصى جهد علشان يخلو المنتدى احسن و افضل باذن الله
والنظام مبيزعلش فطبعا مفيش حد يزعل من قانون كده ولا كده ده ممكن يبقى لمصلحتك و انت مش واخد بالك وبصراحه انا معجب بيهم و بشغلهم او على الاقل اللي انا شوفت شغلهم حتي الان
ثالثا:القسم المفضل وبالنسبه لي افضل قسم هو بعيدا عن سيلك رود
رابعا:حاجه عجباك في المنتدي واللي عاجبني ان معظم اعضاؤه Active :)
خامسا:حاجه مش عاجباك في المنتدىوانا لحد دلوقتي مفيش حاجه مش عاجباني
سادسا: ايه طموحاتك في المنتدى؟
في اختيارات
1:تبقى مشرف
2:عضويه زرقاء
3:عضو مميز
4:اي كلام والسلام
يعني بتستفيد و بتدور على اللي انتا عايزه و خلاص
5:مفيش طموحات بس انا عايز اخدم و اتخدم وخلاص ولاعضويه زرقاء ولا عضويه فوشيه
وانا اختياري رقم 2 عضويه زرقاء بعد عمر طويل ان شاء الله :D وطبعا انا عايز ابقى مميز و اغير الجرانت نيم ومش عايز ابقى مشرف علشان دي مسئوليه كبيره و محل كره ناس معندهاش فكره عني و مش لاقيه حاجه تعملها غير انها تحقد على المشرفين علشان نفسهم يبقو مكانهم (ابقى اسأل نفسك انت قد المسئوليه ولا لأ ما انت ممكن تبقى مشرف و تعتزل هتبقى فرحان؟ولا هتعد تقول اصلي معتزل عشان..... والتييت والشريط واسطوانة الافلام العربي ديه!)
فكر في اختياراتك الاول ومتحكمش على الشكل ولا على العضو/المشرف من اول موضوع تشوفو عنه
ويا ريت بقى كل واحد يكتب جمله ولا راي يعمل صوره معبره كده عن شكل ملامحه في الوقت ده عامله ازاي علشان ممكن تبقى بتهزر وواحد ياخدها بجد لانه مش فاهم انت بتقول الكلام ده وقصدك ايه بالضبط فده بيسبب الكره برده
خلصت كلام اللي بعده :(
انا الحمد لله عندي شوية مواضيع و احب اقدمهالكم وببقى سعيد جدا اما الاقي حد فرحان بالموضوع ومستفيد منه

سابعا:جيت المنتدى ازاي
1:عن طريق صديق
2:محركات البحث
3:اعلانات
4:بالصدفه او مش فاكر :P
وانا الاجابه رقم 1 عن طريق صديق من سنتين بس كنت ناسي الباسوورد علشان كده انا مش Active
مع اني متابع والله بس مش اوي :(
اوعدكم اتابع من انهارده
ثامنا:نفسك المنتدي يبقى عامل ازاي؟
انا عن نفسي نفسي المشرفين والاعضاء يبقو زي بعض وكل واحد يعبر عن رايه بس باحترام طبعا ويا ريت بلاش تكلم المشرفين في كلام فاضي زي بليز عاوز ايميلك و تبعتلو رسايل مكتوب فيها انا عايز اثبت موضوعي والحاجات ديه
علشان في الاف الاعضاء بيعملو الكلام ده و المشرفين هيعملو ايه ولا ايه وازاي هيردو على كل دول ده غير انهم بيزهقو وبيوصل الموضوع لمرحلة كره واحنا مش عايزين كده
تاسعا واخيرا:جايبلنا ايه معاك وانت داخل المنتدى؟وخرجت منه بايه؟
1:مش عارف لسه
2:جاي وجايب معايا الخير كله
3:داخل علينا و ايدك فاضيه
4:هجيب ان شاء الله
5:مش هجيب حاجه انا مجرد عابر سبيل
وانا الاجابه رقم 2
ان شاء الله خير :D
وبكده اكون خلصت رأيي والدور عليكو
وبلاش مشكور و موضوع مميز وشغل الطعميه ده
واللي هايكتب كده اعتبره سبام او مالوش رأي وف كلتا الحالتين ده مش كويس ليك
وبعدين متتكسفش من حاجه كلنا اخوات مشرفين او اعضاء