[max4ever]

الحلقه الثانيه

نورهان:ياسمين....اسفه

ياسمين:ولا يهمك

نورهان:ولا يهمنى ازاى وانتى بتعيطى كده

ياسمين:انا مش زعلانه منك

نورهان:امال زعلانه من مين

ياسمين:من نفسى

نورهان:ندمانه!!

ياسمين:ندمانه؟؟ دى الحاجه الوحيده اللى حصلت بحياتى ومش ندمانه عليها

معتز:ازيك

نورهان:كويسه

ياسمين:طب انا همشى بقى يانورهان مش هقدر اكمل النهارده

نورهان:طب استحملى معدش غير ساعتين

ياسمين:لالا مش قادره ...سلام

نورهان:سلام

معتز:هى دى صاحبتك من زمان

نورهان:من زمااااااااان

معتز:بس بحس انها كئيبه كده

التفتت نورهان الى شئ يشغلها عن مواجهه هذا الرد الذى يسئ الى صديقتها
ولكنها ايضا لا تستطيع ان تقول له شيئا ...فهو حبيبها
**********
تررررررررررررررررررن تررررررررررررررررررررررررن

ياسمين:مين .........مين
ايوه ..مين حدرتك

مصطفى:ياسمين

ياسمين:ايوه

مصطفى :ازيك

ياسمين:كويسه ....انت مين

مصطفى:مش فاكرانى....انا مصطفى .....اخو نورهان

ياسمين:اه مصطفى ازيك معلش مش ينفع تدخل اصل مفيش حد بالبيت

مصطفى:عشان الموضوع ده انا جاى
ممكن تيجى معايا

ياسمين:فين

مصطفى:ماما عايزاكى

ياسمين:مامتك...طب ليه

مصطفى:يعنى هى كانت عايزه تكلمك بخصوص انك قاعده فى البيت لوحدك ومش ينفع عشان انك بنت وكده

ياسمين:بس انا مرتاحه كده

مصطفى:بس لازم تكلميها

ياسمين:انشالله ...عن ازنك

مصطفى:لالا مش قصدى كده ...تعالى معايا دلوقتى

ياسمين:بس..

مصطفى:مفيش بس ...يلا

*********

ياسمين:انا مش عرفتك ...انت كبرت اوى

مصطفى:وانتى كمان واتغيرتى

ياسمين:اتغيرت

مصطفى:كتير

ياسمين:يمكن.....مش مركزه

مصطفى:عشان كده اتغيرتى

ياسمين:قصدك ايه

مصطفى:قصدى مش انتى ياسمين اللى كنت بلعب معاها واحنا صغيرين
ومش انتى البنت اللى كلها حياه وفرح ومش انتى البنت المدلعه

ياسمين:معدتش فى دلع ولا فرح اصلا معدتش فى حياه

مصطفى:امال فى ايه؟

ياسمين:فى موت

مصطفى:موت!!!!!!!!

ياسمين:سيبك انت ...مقولتليش انت بقيت متدين اوى كده من امتى

مصطفى:هو التدين محتاج وقت معين

***************

ام نورهان:يعنى لازم ابعتلك صاصا عشان تيجى

مصطفى:ماما

ياسمين:ازيك ياطنط

ام نورهان:كويسه ياحبيبتى ...يلا جبتى هدومك

ياسمين:هدومى

ام نورهان:انتى هتقعدى معانا هنا فهمتى

ياسمين:هقعد هنا؟؟؟؟؟؟؟؟