[Zeka 007]

الحلقه الخامسه


اتصل شادى بندى ليلا وعجزت هى عن اخبار اختها بذلك حتى لا تخبر هايدى ولكنها لم تعرف بعد حقيقه مشاعرها تجاه المكالمه

فشادى غير صريح بتاتا

شادى: انتى كنتى خارجه النهارده صح ؟

ندى: اه ليه ؟

شادى : اصلى شفتك فى الكافيه النهارده كنتى قاعده مع اصحابك

ندى: انت بتروح الكافيه ده ؟

شادى : مش كتير انا واصحابى قاعدتنا على طول فى كافيه تانى بس قلنا نغير

ندى: ممممممممممم بس كنت قاعد فوق بقى عشان كده مشفتكش

شادى : اه منا شفتك وانا طالع بس واحنا نازلين كنتى مشيتى

ندى : اه ممكن

وصمت لحظه ثم قال ؟


شادى : كنتى زى الملايكه اوى النهارده على فكرة

ندى: انا اه مين الملايكه ؟

شادى : اه ليه فى ايه اول مرة حد يقولك انك زى الملايكه ؟

ندى : لاء بس انت يعنى غريبه منك دى

شادى : يانودى انتى على طول زى الملايكه بس يعنى انا شايف ان ليكى اصحاب محجبات كتير مفكرتيش تتحجبى انتى كمان ؟

ندى : فكرت بس لسه بدرى انا صغيرة

شادى : مع انك حتبقى زى القمر فى الطرحه

ندى: وبعدين بقى ملايكه وقمر

شادى : فيها ايه ؟

ندى : بتتكلم فى حاجات ملكش فيها

شادى : امال ليه فى ايه ؟

ندى : معرفش

شادى: طب بصراحه كده انتى رديتى عليا ليه ؟

ندى :...............

شادى: عشان انا جارك ؟

ندى : طب انت كلمتنى ليه ؟

شادى : عشان انا عايز اقرب منك

ندى : ليه ؟

شادى : انتى بقيتى بتسألى كتير على فكرة

ندى : اتعلمت منك

شادى : على فكرة انا بحترم بابكى اوى من وانا صغير وانا نفسى ابقى زيه

ندى : بابا دا زى العسل كل الناس بتحبه

شادى : وطنط كمان

ندى : اه طبعا

شادى : انتى عايزة تقفلى ولا ايه ؟ زهقتى ؟ انتى بتزهقى منى بسرعه على فكرة

ندى : ازاى هايدى ؟

شادى : معرفش مكلمتهاش بقالى كتير

ندى : اتخانقتوا ؟


شادى : لا قلتلها احنا محتاجين نبعد عن بعض شويه عشان نحدد مشاعرنا

ندى : انت قالبها عشان هى مش هتدخل هندسه معاك ؟

شادى : وهوا دا مثلا سبب ان ولد يسيب بنت ؟

ندى: امال مالك بتعاملها كده ليه ؟

شادى : انا كنت فاكرك اذكى من كده

ندى : انت مش قلتلى انى ذكيه بس حركات العيال بتغطى عليا

شادى : لا دانتى قلبك اسود كمان

ندى : الكلام دا قلته ولا لاء ؟

شادى : قلته بس من وراه قلبى

ندى: شادى اقفل

شادى : مالك ؟

ندى : معرفش مش مستريحالك فاقفل لو سمحت

شادى : انتى خايفه منى اوى كده ؟

ندى : انت صاحب صاحبتى ومينفعش الى انت بتعمله دا

شادى : ايه ياندى هو انا قلت حاجه ؟

ندى : مقلتش بس انا مبحبش كده لف ودوران وهبل انا مبصاحبش وخصوصا لو كن انت مصاحب

شادى : انتى هبله يابنتى وهو انا قلتلك صاحبينى احنا بنتكلم عادى

ندى : امال انا مش مطمنالك ليه ؟

شادى : يانودى اعتبرينى اخوكى بما انك معندكيش اخوات ولاد وكويس ان البنت يكون ليها صديق ولد تعتمد عليه وتسأله

ندى : يعنى انت شايف كده

شادى : طبعا

ندى : ممممممممممممم

ومع نهايه المحادثه بدا شعورها بعد الراحه من ناحيته يتغير بل بدات تشعر بالارتياح للتحدث معه فى امور عاديه ولكنها بعد ان انهت

المكالمه لم تفكر الا به وهى تقنع نفسها بانه ليس اكثر من صديق واخ

*********************


دخلت ندى غرفه نسمه اختها دون ان تطرق الباب وجلست على السرير فى صمت فاعتدلت نسمه وتركت ماوس الكومبيوتر وقالت


نسمه : عملتى ايه ؟

ندى :.........

نسمه : عملتى ايه يامصيبه انطقى ؟ شكلك كده عامله حاجه

ندى: معرفش يانيسو انا محتارة اوى

نسمه: ومادام جيتى تقوليلى انا مجرتيش على هاله حببتك يبقى الى انتى عاملاه فيها هى

ندى :مش هى اوى

نسمة: امال فى مين

ندى: نسمة فاكرة شادى ؟

نسمة : شادى مين ؟

ندى: شادى عبد الحى الى ساكن فى البرج الاحمر كنا بنلعب سوافى النادى واحنا صغيرين مش فاكراه ؟

نسمة: اه القصير ابو شعر طويل الى مامته كانت دايما سايباهوله زى البنات دانتى كنتى بتضربيه ضرب

ندى : ايوااه هو ده

نسمة :ماله ؟

ندى : معرفش انتى عارفه انه كان بيجى لبابا هنا ياخد قدرات عمارة مع هاله ؟

نسمة: لا والله العظيم ؟ هو الواد الطويل الاسمر الى بياخد معاهم ؟ تصدقى انا شفته كذا مرة بس معرفتوش

ندى : هو ياستى وهايدى بقت مصاحباه وبعد كده خلونى اكلمه عشان كانوا متخانقين وهى بتقول عليه بارد وبعدها قعد

يكلمنى على موبيلى انا

نسمه : لييييييه ؟

ندى : معرفش بيقولى نبقى اصحاب واخوات وانتى محتاجه اخ وصديق تعتمدى عليه وانا بعزكوا انتى واخواتك واهلك وكلام كتيييير

بس كده وانا بقيت بكلمه وهو بيكلمنى عادى

نسمه : كل دا وهاله متعرفش ؟

ندى : منا مش عارفه اقولها ازاى؟ لحسن تقول لهايدى وهايدى تعملها حكايه وتفتكر فيه حاجه وهو مفيش اصلا

نسمه :مممممم طب وبعدين

ندى : ماهو بعدين دا الى انا خايفه منه نسمه انا حاسه انى معجبه بيه

نسمه :يخرب عقلك طب وهايدى ؟

ندى : احنا اصحاب وبس مفيش حاجه بس انا خايفه اتعلق بيه وهو انا كده بظلم هايدى ؟

نسمه : مش عارفه

ندى : طب اقول لهاله ؟

نسمة : المفروض عشان لو عرفت بعد كده هتزعل منك اوى

ندى : انا مش مطمنه ليه ولا لنفسى انا خايفه احبه يا نسمه وانا عمرى ماحبيت حد

نسمه :حب ايه وزفت ايه دلوقتى انتى كمان انتى ياماما لسه عيله مستعجله على ايه ولا انتى بتقلدى وخلاص

عشان لقيتى هاله مصاحبه عمرو مجدى من وهى فى ثانوى خلاص عايزة تعملى زيها وخلاص

ندى : ايه الكلام دا لاء طبعا

نسمه : انا نفسى تبطلى تمشى وراها ويبقى عندك شخصيتك انتى بقى مش كل حاجه هاله بتعملها تبقى صح

ندى : انا مش ماشيه ورا هاله انا مبطيقش عمرو ده اصلا

نسمة : نيدو ياحبيبتى انتى فى ثانويه عامه ركزى فى مستقبلك وسيبك من العك دا ربنا يهديكى

وقفت ندى تقول

ندى : انا غلطانه انى جيت احكيلك اصلا انتى على طول مقفلاها فى وشى كده لما نشوف هتعملى ايه فى النتيجه بتاعتك يافالحه


نسمة : خليكى فى نفسك وفى العك بتاعك بدل ماتتريأى على هاله كل شويه خدى بالك لتقعى وقعتها


ندى : بس شادى مش زى عمرو وبعدين انا مش هاله واحنا مفيش بينا حاجه اصلا احنا مجرد اصدقاء وبـــــــــــس

قالت نسمة بسخرية

نسمة : اصلك ناقصه اصحاب

فخرجت ندى من الغرفه غاضبه وشاعرة بالذنب فى نفس الوقت




وبهنا تنتهى الحلقه الخامسه

ومجرد سؤال ايه رائيكم فى الموضوع بتاع الحب ده والعك ده على رائ نسمه المفعوصه دى