الحلقه السابعه
هاله : حركه وحشه اوى منكو انتو الاتنين يعنى دلوقتى هايدى لو تعرف هيبقى منظرك ايه ؟
ندى : معرفش
هاله : وانتى مقلتيش ليه من الاول
ندى : خفت تزعلى
هاله : ازعل منك عشان صحابتى ؟ يابنتى انتى اختى وهى كمان مش حب عمرها يعنى شادى دا مثلا ... المهم هو قالك بحبك ؟
ندى : لالالالالالا
هالخ : امال ايه ؟
ندى : قالى انا كان شكلى هحبك
هاله : يعنى بحبك بس بستهبل شويه
ندى : معرفش ياهاله انا اعمل ايه بقى ؟
هاله : سيبك من هايدى دلوقتى انتى بتحبيه ؟
ندى : معرفش
هاله : ازاى متعرفيش انتى معجبه بيه ؟
ندى : ايوة اوى وقلبى قعد يدق لما قالى انا معجب بيكى بس هو غريب ياهاله كان بيقول الكلام بالعافيه ولما لقانى هقفل اتقمص
هاله : بس المهم انه نطق اصل النوعيه دى الى كرامتهم بتوجعهم دول مبيحبش يصارح اللى بيحبها بيحب يبحها من بعيد لبعيد احسن
ندى : خايفه يا هاله يعمل فيا زى ما عمل فى هايدى ولو حبيته يسبنى ويحب واحدة تانيه
هاله : يا حببتى هو وهايدى اصلا مكنوش بيحبو بعض وبينى وبينك كده هايدى اصلا بتحب واحد تانى اسمه حماده السلامونى
ندى :يعنى ايه ؟
هاله : يعنى لو انتى مرتحالوا وفعلا متشدلوه يادنيدوا دوسى وربنا حيوفقك ان شاء الله
دخلت نسمه فى هذه اللحظه فالتفتتا اليها وصمتتا فتوقفت تنظر اليهما فى شك
نسمه : مالكو اتخضيتو كده ليه ؟ انا داخله اجيب الفلاشه
قالت هاله فى مزاح
هاله : خليكى قاعده قدام الكومبيوتر طول اليوم لحد مدماغك اتتلحس
ههههههههههههههههههههههه هما الاتنين ونسمه تشدت غيظا
###########################
ندى : هاخد بيولوجى عند مستر مدحت اللى بيدينا فى المدرسه
شادى : انتى برضه لسه مصممه يابنتى خدى الكميا الاول عشان منفعش علمى علوم تكملى رياضه
ندى : قلتلك مبحبش الرياضه انا عندى احول ادبى ولا اخد رياضه اتنين دى دى كانت هاله بتصوت منها
شادى : امال هتدخلى هندسه ازاى ؟
ندى : ومين قالك انى عايزة ادخل هندسه
شادى : ...... وليه مش عايزة هندسه ؟
ندى : مبحبهاش وبعدين كفايه اتنين مهندسين فى العيله دا بابا لو عليه يطلعنا كلنا مهندسين زيه
شادى : والله الراجل عنده حق ...هو انتى نازله الساعه كام ؟
التفتت ندى الى الساعه المعلقه خلفها فلمحت هاله مقبله وقد انهت ارتداء ملابسها
ندى : حالا اهه هاله خلصت
شادى : طيب خدى بالك من نفسك ورنيلى لما تروحى
ندى : حاضر عايز حاجه ؟
شادى : عايز سلمتك سلميلى على هاله
ندى : حاضر سلام
شادى سلام
واغلقت الخط وهى تلتقط حقيبتها فقالت هاله
هاله: شادى ؟
ندى : ايوة
وخرجتا من المنزل واستقلتا المصعد
هاله : مفيش جديد ؟
ندى : لا
هاله : مكلمكيش فى حاجه تانى ؟
ندى : لا بس احنا بنتعامل مع بعض عادى
هاله : ازاى بقى دا بيكلمك قبل ماينزل واول مايرجع وبترنيله وانتى نازله وبتعرفيه لما ترجعى وعلى طول مكالمات وكل شويه لاء
بلاش اللبس ده وحش عليكى ياندى متلبسهوش تانى لاء التشيرت ده مفتوح لاء بلاش منين مفيش حاجه بقى ؟
ندى : ماهو مش انا الى هروح واساله اقله انت نسيت الموضوع اللى فتحته معايا ولا ايه ؟ وهو منطقش من يومها اعمل ايه يعنى ؟
هاله : بس خلاص انتوا كده بتتعاملو معامله مرتبطين
دى : وايه المشكله ؟
هاله : يعنى انا افهم ايه انا هتجن
ندى : ولا انا والله بس انا مبسوطه وخلاص
هاله : طيب انتى حرة ربنا يبسطك كمان وكمان
***********************
اغلق شادى الخط وشرد قليلا فقال صديقه وهو يقود السيارة
سامح : ايه ياعم كل دا كلام هايدى برضه انا مش قلتلك اخلع من البت دى
التفت شادى اليه يقول
شادى : لا مش هايدى هايدى ايه وبتاع ايه جبلى سيرة عادله وحياه ابوك
سامح : امال مين ؟
شادى : دى جارتى بنت المهندس الى كنت باخد عنده القدرات
سامح : صاحبه هايدى ؟ مش دى اللى بيحبها الواد عمرو مجدى الى فى عسكريه وهو حلقلها ولا ايه ؟
شادى : مش دى اختها الصغيرة اللى فى ثانوى
سامح : وانت جاى تعيل على اخر السنه مش قلنا خلاص بقى شغل ثانوى ده خلاص يامعلم احنا فى كليييييييييات
شادى : وايه المشكله ؟ البنت حلوة وعجبانى وبينى وبينك انا شكلى بحبها
سامح : هى وصلت لبحبها طيب ياسيدى ربنا يكرمك وانت بقى خلاص نويت معاها
شادى : والله مش عارف انا لغايه دلوقتى معرفش هى حاسه نحيتى بايه بس احنا شبه صداقه يعنى لحد دلوقتى
سامح : طيب ياسيدى ربنا يوفقك
شادى :..............
سامح : بس انا مستغرب انا اول مرة اعرف انك معجب بواحده دول هما اللى كان بيجوا لحد عندك غريبه دى ؟
شادى : انا نفسى مستغرب نفسى
سامح :هى حلوة اوى لدرجاتى ؟
شادى : لا حلوة بس عاديه
سامح : يبقى اكيد شخصيتها قويه
شادى : بالعكس دى عبيطه جدا ولسانها فالت منها
سامح : الله امال ايه اللى موقعك كده فيها
شادى : تصدق لو قلتلك معرفش انا لقتنى مرة واحده بتشد ليها
سامح : ربنا يستر عليك يامعلم انت لازم بقى تتاكد هى بتحبك ولا لاء لانك خلاص ضعت
شادى : تفتكر هى مبتحبنيش ؟
سامح : انت هتسالنى انا ليه ؟ اسال نفسك
شادى : بس هى كل تصرفتها بتدل على انها بتحبنى
سامح : برضه لازم تتاكد مش يمكن انت شايف غلط
شادى : تفتكر
سامح : معرفش
عاد شادى يشرد فى قلق وهو يفكر هل تحبه ندى حقا , ام انها اعتادت عليه ليس الا
وبهنا تنتهى الحلقه السابعه وحنعرف الحلقه القادمه الجديد والجديد فتاااااااااااااااابعونا