والله العظيم اللى انت قولته دة كله صح و انا معاك فيه
يا جدعان احنا وصلنا لدرجه غير طبيعية من الفساد و الفقر و حاله احباط و اكتئاب عامه على الجميع
يعنى لما تكون فاعد فى عربية و تكون نازل الجيزة و تلاقية عربيه حكومه من اللى بتنقل السجناء
تقول راجعه على الغعربيه اللى انت راكبها و تبقى خلاص العربيه هتتطبق عليك و على الناس
يبقى ايه ردك ساعتها و لا هتعرف تاخد حق ولا باطل ( هو في حد بيشتكى الحكومه ) ولا انتو شايفين ايه
ولا لما يكون معاك ميكروباص اجرة و عايز ترخصه و علشان ترخصه و تخلص ورقه تقعد اسبوع لو انت ماشى سليم
و لو هتتدفع تقعد 4 ايام مع العلم انه كتير مع الدفع اللى بتتدفعه و برضه تلاقى الموظف اللى هناك بيتنك عليك
و تاخد بالجزمه على دماغك لو فكرت تعاندة او لو مدفعتش عدل تلبس فى الحيط و المصلحه تقف يبقى لينا حق
نطالب بأقله الرئيس و كل حاشيته الزباله ولا انتو عايزين ايه ؟؟؟!!!!
ولا مثلا حته ك** امين شرطه بيطنطط عليك و ياخد منك فلوس عافيه علشان تعرف تمشى فى الشارع
انا ساكن فى الهرم يا جماعه و عندى عربيه مكروباص اجرة بشوف مهازل امين شرطه او حتى لو عميد كله لازم
ياخد يا اما هيسلم العربيه و بدل ما تدفعله 50 تدفع 1000 جنيه و طالع يبقى حلال ولا حرام
و تكلمه بكل زووق والا هيضربك باللى فى رجله يبقى لازم نعمل وقفه ولا لا ؟؟؟؟؟!!!!!!!!
ولا لما تبقى ماشى فى حالك مش فى الشارع فى المترو يعنى مكان المفروض ميحصلش فيه اى كلام وخلاص
تلاقى *** ابن *** بيقولك بطاقتك و هو كله على بعضه انت تخلف قدة مرتين لو البطاقه لقاها منتهيه ولا حاجه
يقولك خلاص انت شكلك مش ولابد و الغريبه يسيبو اللى على وشه ضربه مطوه واخدة من اول عينيه لحد رقبته
واللى وشه وارم شكله كان فى خناقه و يوقومو يمسكو فى اللى لابسين محترم و بدل علشان عارفين ان دول
هيدفعو غصب عنهم علشان ميتبهدلش يبقى لازم وزير الداخليه عادلى ال*** دة لازم يتشال ولا لا !!!!!!!!
انا مش عارف اتكلم على ايه ولا ايه البلد بايظه على الاخر و فعلا زى ما قال العضو المحترم صاحب الموضوع
البلد فى حاله انفلات امنى بسبب قانون الطوارئ و كل حاجه فيها فساد و سرقه علنى .
ومع احترامى للعضو اللى عمل الموضوع المثبت اللى اسمه انا هقعد فى البيت
اللى يقدر ينزل هينزل ولا لازم ميكونش عندة فيس ولا icq لا انتو رايكم ايه خلى الدماغ شغاله علشان خاطر النبى
احنا تعبنا شعبنا خلاص تعب والبلد باظت من كتير الفساد و النهب
انا مش هنزل رغم كل اللى انا قولته عارفين ليه؟؟ علشان انا عندى عقل ازاى ؟؟!!
مهو مش هاجى اعمل ثورة او انقلاب اروح اقول للحكومه انا نازل يوم كذا علشان اعمل اقلاب على الحكم
سوورى هبقى غبى اوى علشان الامن المركزى هيفضنا فى اقل من ساعه و احتمال اقل
لازم لا بيقى فيه انقلاب و كلام من دة بتحصل مفاجأة على البلد و على الحكومه و على كل حاجه
بيقى الشعب انفجر خلاص و زمام الامور فلتت دى اللى اقول انا هنزل فيها لأن خلاص
ولعت الدنيا ولا بقى فيها امن ولا شرطه ولا اى حاجه دى اللى اقد اقول عليها منظمه
علشان جات مفاجأة و دى بنسبه 80% بتبقى ناجحه علشان الناس كلها نزلت الشارع بتعترض
مش 1000 ولا 3000 واحد يقومو بكدة دول مش يعرفو يكملو عشان العدد قليل مش لما مثلا يكون
الشعب كله ساعتها الامن و الشرطه هيخافو يتعرضو لينا
و اخر كلامى يا جماعه انا بكره الحكومه جداا يمكن اكتر من اى حد ولكن مش هينفع انزل بكرة
هقلل من نفسى هننضرب على الفاضى انا بكره الحكومه بس عندى عقل