ليه يا ابن آدم
حلمك الجنة
وتستنى..
تشوف ابليس بيسكنها !
وتسكن أنت ف الدنيا ؟
كأن الليل ده مخلوقلك
ومكتوبلك
يضيق وطنك على حلمك
تحس الخُضرا من حولك
كما الصحرا
مفيش بستان بيندهلك
عشان تقرا ولا تكتب
تاريخ أجدادك المرسوم
على كفك
ونهر النيل كما المواويل
بيجري جوه شريانك
وأحزانك خلاص سكنت
ف وجدانك
كمانك يعذف الحسره
مفيش أنغام
ده لو يعزف هينذف دم
فيحكي ألام
هتعمل ايه ؟ ما تيجي تنام
ولو خايف من الأحلام
هقول للنوم يجيب كوابيس
عشان تهدا ومتحسش
بأنك زي أي خسيس
لقيت وطنك
بعوه ف السوق
بسعر رخيص
بسرعة قوام
داريت وشك / عملت عبيط !
منــقـــول بــرضــو