اقتباس:
المشاركة الأصلية كتبت بواسطة emadreda3
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
هههههههههههههههههههههههههههههههههههههههههههههههههه ههههههه
والله العظيم انتو موتوتونى من الضحك =))
اسف ياصاحب الموضوع بس بجد أنا لولآ إنى عايش فى مرسى مطروح وعايش فى وسط ناس بدو بيتكلمو قريب من اللغه الخليجيه والله ماكنت هافهم الموضوع :d
*************************************
يارجاله الموضوع جميل جداً والله وتسلم أيد صاحبه وبعد إذنه انا هاحكى القصه بالمصرى علشان الكل يفهمها علشان بجد ديه قصه جميله ومفيده :
بسم الله الرحمن الرحيم
فى يوم من الأيام مديره غابت عن المدرسه شوفو أيه اللى حصل ؟؟!!
welcome
السلام عليكم ورحمة الله
تدور القصة
حول مديرة (مدرسة) عزباء غابت عن المدرسة يومين ولما رجعت لمدرستها قابلتها المدرسات حمدلله على السلآمه كنتى فين؟
يامديرة ؟
قالت باركولي أنا أتجوزت
قالو مبروك
فقالت المدرسات: يامديرة ولكن أنتى اتجوزتى مين ؟
قالت بصراحة انا أتجوزت واحد زوج واحده فيكم !!
المدرسات:كفايه بس قوليلنا أنهى واحده فينا:@ ؟
قالت المديرة :والله مانا قايله
المهم زنو عليها وقعدوا يسألوها هوا مين هوا مين ؟!
فقالت شوفو بقى اللى عايزه تعرف هل هو زوجها ولآ لأ تجيب بكرا
معاها 500جنيه ولما تيجى تمضى الحضور والأنصراف تحطهم على الطربيزه واللي آخذ منها ال500جنيه يبقى مش ديه اللى انا اتجوزت زوجها
واللى اسيب ال500جنيه بتوعها على الطربيزه ومخودهاش يبقى انا متزوجه زوجها
ووافقو المدرسات على الطريقة وفى تانى يوم جت كل واحده فيهم ومعاها 500جنيه
جت الأولى
والثانية والثالثة والرابعة حتى العاشرة
والمديرة تاخذ منهم ال500جنيه وتسكت
و يوم جت المدرسة الـ 11 والمديره بدأت تزهق وتتخنق وتقول أوففف .. المهم حطت ال500جنيه على الطربيزه
وقالت لها
كفايه كده خديها بقا متوقعيش قلبى :d
المديرة:اعذريني قالت المدرسة كأنها قليلة حطيت ألف بدل 500 جنيه
قالت المديرة
أووووووووووووف معلش خطوتك انتى تساوى دهب
والله انا غلطت أنى اتكلمت فى المدرسة وقلت حاجه
فقالت الحمدلله يعني هتاخدى الفلوس
المهم أخذتها المديرة ودخلو بقية المدرسات حتى الـ 23 والمديرة بتلعب بأعصاب كل واحده شويه
وفي النهاية
تاخذ ال500جنيه المهم بقي
مدرسة واحدة ماجتش فى يوم اتصلو بيها المدرسات ألو انتى فين ياأستاذه
قالت والله اني تعبانه وماني جايه
قالت المدرسة الغايبة : ها طلع زوج مين اللى أتجوزته المديرة ؟
قالو لسا مقالتش حاجه والمديرة عماله تاخذ الفلوس لحد ما نحضر كل المدرسات
( بيضحكو عليها علشان تجي ويطمنو إنها هي لأنه مابقاش فى حد غيرها )
وقالو المدرسات لازم تيجي كفايه كده!
المهم جت
تسحب رجليها بالقوة ويوم ماجت المدرسات كل واحده فيهم مبسوطة أنها مش هيا
وبدأو يسمو الله على المدرسة الـ 24 عشان ما حدش فيهم يتصدم
دخلت المدرسة
الأخيرة غرفة المديرة وحطو باقي المدرسات أيديهم على قلوبهم خايفين لطلع واحده فيهم:d
وحطت المدرسةالأخيره ال500جنيه على الطاولة وخدتها المديره!!! فطلعت
لقوها عادية وما حصلش حاجه وفلوسها أخذتها المديرة!!
قالو يابنات
في واحده منكم ماخذتش المديرة فلوسهاَ ؟
قالو لا والله كلنا أخذت منا الفلوس ودخلو المدرسات على المديرة وقالو أخذتي الفلوس من كل المدرسات انتى بتضحكى علينا !! مين هوا زوجك !!
قالت المديرة
المهم الفلوس ( 12000 جنيه ) مش هترجع تانى
وأنا والله لا إتجوزت ولاغيره لحد دلوقتى لسا عزباء ووالله كنت مريضة فى اليومين اللى انا غيبت فيهم دول
بس انا بقالى اكتر من شهر بطلب منكم تدفعو 100جنيه كل واحده علشان نصلح الجامع وولآ واحده فيكم دفعت ....قلت والله لآدفع كل واحده فيكم 500جنيه مش 100بس !
علشان نصلح الجامع ونشترى مصاحف للمسجد.
قالو المدرسات
يااه ربنا يديكى الصحه والله عندك حق ولو احتاج زياده هنديكى واهم حاجه إن ازواجنا متجوزوش علينا
مايستفاد من القصة
ديه الراجل موضحها يعنى مش محتاجه وأسف على الأطاله فى الرد لكن ده للتوضيح.
شكراً للقصه ياحبى وربنا يهدينا جميعاً
تحياتى وتقبل مرورى:)
|
هذا ترجم لكم القصة ونسقها
شكراً على مجهودك
شكراً للجميع على المرور نورتوا الصفحة