[™King0FCream™]

اولا بمناسبة ان الاتنين النوب دول هيكونوا مشرفين القسم

فا انا بقدم ليهم هديه :D

يا رب الموضوع يعجبكوا

وللعلم الموضوع منقول :)

نبدا

GhostHome : ايه ياكوتش كنت فين كدا

TUNNER: كنت بتفرج على ماتش كورة انما ايه ,, اكستيرا

GhostHome : مين الى كان بيلعب مع مين ؟

TUNNER: مش عارف والله يافهيم هو كان فيه فرقه لابسه

اسود والتانيه لابسه اخضر !

GhostHome: اه يبقا الاهلى و الاسماعيلى المهم مين كسب ؟

TUNNER: والله يافهيم مكدبش عليك تقريبا الفرقه الاولى

جابت جون والتانيه جابت جونين تلاته .. كدا يعنى ,

GhostHome: اهااااا .. طيب ماتقول اتعادلو ياعم هتفضل اهبل لامتا ؟

TUNNER : بس متقولش اهبل يافهيم هو انت عشان بتفهم كورة يعنى

وانا لسه على قدى ؟ هتفضل تقطم فيا

GhostHome: طيب خلاص معلش يا ناصح انا بهزر معاك يااخى

TUNNER: خلاص ياعم عادى مانا واخد منك على كدا .

GhostHome: اما انا شوفتلك حتت ماتش . من الى قلبك يحبهم

انا عارف انك بتحب الدورى الانجليزى يا ناصح صح

TUNNER: اه والله يافهيم انا بحبه اوى وبحب اللاعيب الى بيحط ايده فى بوقه دا

GhostHome: مين دا الى بيحط ايده فى بوقه ؟؟

TUNNER: ياض الى بيحط ايده فى بوقه دا لما يجيب الجون

استنا هقولك اسمه , اسمه .. اسمه .. اسمه اه ه ه اسمه توتو

GhostHome: مش بقولك انت اهبل , قصدك توتى

TUNNER:اه ه ه ه هو توتى

GhostHome: بس توتى مش بيلعب فى الدورى الانجليزى

توتى بيلعب فى روما .. يعنى فى الدورى الاسبانى يا ابو المفهوميه

TUNNER: ياعم متدقش .. المهم ماتش ايه الى انت شوفته

GhostHome: كان نهائى اوروبا . بين برشلونه وانترناسيونال البرازيلى

TUNNER: اه .. يااااااه دا تلاقيه كان ماتش نار

GhostHome: اه يابنى كان ماتش جامد اوى وخلص تعادل

TUNNER: يعنى مين الى كسب

GhostHome: يابنى مش برشلونه بتلعب .. اكيد هى الى كسبت

TUNNER: اه .. لا برشلونه حلوة

GhostHome: امتا بقا الواحد يشوف كورة حلوة فى مصر

TUNNER: اه والله فين ايام زمان .. كان الخطيب يلاعب فرقه بحالها لوحده

GhostHome: تصدق ياض اول مره احس انك بتفهم

TUNNER: ايه ياعم انت فاكرنى اهبل ولا ايه الخطيب دا اسطورة

ياما جاب بطولات للزمالك . كان متألق بالفانله الصفرا

GhostHome: يابنى خطيب ايه الى كان بيلعب فى الزمالك

الخطيب دا كان بيلعب فى الاهلى مع صالح سليم

TUNNER: اهو صالح سليم دا بقا مشكله لوحده ؟

GhostHome: ليه يااستاذ ناصح

TUNNER: كان لعيب كورة جامد اوى وفى نفس الوقت كان بيغنى ومشهور

GhostHome: صالح سليم مين الى كان بيغنى ؟

TUNNER: صالح سليم اخو حسام سليم الممثل دلوقتى

GhostHome: يابنى لا مكنش بيغنى

TUNNER: امال كان بيعمل ايه ؟

GhostHome: كان بيروح يقف معاهم فى الاذاعه بس ..

TUNNER: اه ه ه ه . اهو دا كلام الناس العاقلين

GhostHome: بقولك ايه يلا بينا بقا علشان نلحق نروح نشوف الماتش

TUNNER: ايه دا .. هو فيه ماتش النهارده ؟

GhostHome: اه يابنى النهارده اول ماتش لمصر فى الكاس

TUNNER: هيلاعبو مين .. السعوديه ؟؟

GhostHome: يابنى السعوديه دى فى اسيا . يعنى تبع اليورو

TUNNER: امال مين الى هيلاعب مصر ؟

GhostHome: مصر هتلاعب النهارده الكاميرون . والله الواحد خايف من دروجبا رجله تقيله وممكن يعملها معانا

TUNNER: هو دروجبا بيلعب فى الكاميرون ؟؟

GhostHome: لا هما واخدينه اعاره سنه بس

TUNNER: طيب يلا بقا عشان نلحق نروح نشجع الكاميرون

GhostHome: يلا بينا

ههههههههههه

الموضوع طبعا كله هزار xD

ديه هديه منى ليهم بمناسبة الاشراف :P