بص يا جميل ( صاحب الموضوع)
انا عارف ان عندك هاجس اسمه ( امريكا) لان الهاجس دا عندى انا كمان
وشايف قد ايه الامريكان دول بيصطادوا فى الميه العكره
وتدخلاتهم فى الشرق الاوسط بتزيد يوم بعد يوم
بس مش دا معناه اننا ننتقد ثوره شعب.....اه ثورة شعب
فى اول ايام الثوره الليبيه....هاتلى حد كان شايل سلاح او حد كان بيقتل فى الشرطه او الجيش!!
الناس كانوا بيتظاهروا زى اى حد وللاسف الامن الليبى قتل منهم كتير واصاب منهم كتير
وقطع خدمات الانترنت و اعتدى على صحفيين
والاخ العقيد معمر القذافى طلع قال دول خونه وانا هقتلهم والاخ ابنه ( الغبى) طلع قال كلام مالهوش اى 30 لازمه
يبقى مستنى ايه من الناس دول؟!! اكيد لازم يمسكوا سلاح ويدافعوا عن نفسهم
لانهم شايفين ان جزء منهم بيموت كل يوم نتيجة غبــــاء القذافى المعروف
بص تعرف الجزء اللى فعلا يضايق ايه؟
ان فى نيه للتحالف انه يتدخل عسكرا بوضع قوات بريه....دا الغلط بعينه
لان الكلام كان على حظر جوى....دلوقتى اقتحام برى
وهيحصل نفس مسلسل العراق
يبقى ننتقد الثوار ولا نمدح فى القذافى ولا نهاجم الامريكان؟
الامور واضحه :)