[Ahmed shafiq]

ليه في شارع مراد حاطين يافطه كبيرة مكتوب عليها 'ابتسم انت في الجيزة'..، هل الجيزة حاجة تضحَّك؟!


لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

الأخرس بيكلم نفسه إزاى؟

ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!


إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!



ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟



ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! :))))))))))))))


لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!


لو كانت الأرض كرة – زى ما بيقولوا – طيب الماتش هيبدأ إمتى؟!


إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!



هل حصل فعلا فى يوم من الايام أن فيه واحد (ضرب عصفورين بحجر)؟


بيقولوا (لكل قاعدة استثناء)..طيب ايه الأستثناء بتاع القاعدة دى؟


طيب ليه المذيعة بتقول أعزائي أفراد الأسرة.. وهى ما تعرفش حد فينا؟!

ليه الشخص اللي يسألك 'الساعة كام' لازم يرفع لك دراعه الشمال ويشاور على مكان الساعة بصباعه 'لو سمحت الساعة كام'....طيب اللى بيسأل على مكان الحمام المفروض يشاور على ايه؟

اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟

طيب ليه اللي يسألني عن الساعة لازم يحلفني 'الساعة كام والنبي؟!'.



لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس


اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب ال baby oil معمول من ايه؟