[محمود اسكندرية]

أولا: أنا بشكر السادة المشرفين على الموضوع الجميل والمهم ده .. وعلى فكرة أنا كنت ناوي أعمل موضوع منفصل عن اللي حصلي لكن مشكلتي أني علطول ماشي جنب الحيط و بحب ألتزم بالقوانين عشان كده الموضوع المستقل اللي كنت حعمله حيبقى في المشاركة دي عشان يبقى جزء من الموضوع ده .

ثانيا: أنا يا جماعة انتصب عليا في الجيم (سيرفر وواتر) عن طريق واحد اسمه AboTreika ... وحشرحلكم اللي حصل بس بعد ما تشوفوا الصور دي اللي فيها نصّ الحوار اللي حصل بيني وبينه :

اللي حصل ان أني بعد ما رجعت من الشغل وبعد ما دخلت الجيم بشويّة وأنا واقف عند الستورج الولا ده كلمني وحصل الحوار اللي انتو شفتوه في الصور ، وهو عمل معايا EXG وورّاني ال 1B بس للأسف ملحقتش أصوّره .. طبعا واحد ابن حلال حيسألني وانت أيه اللي خلاك تثق فيه من الأول أصلا ؟! حردّ عليه وأقوللوا ان نفس الحوار حصل معايا قبل كده مع واحد معرفوش برضه وشحنتله 30 جنيه اتصالات وطلع جدع وراجل في كلمته معايا وعطاني الجولد علطول بعد ما وصلّه الرصيد ، وده اللي خلاني اثق في الولا AboTreika ده شويّه في الأول .... وبعد ما الرصيد وصلّه راح خاااالع من الجيم علطوول من غير لا سلام ولاكلام ومن غير ما يديني الجولد طبعا

خلاص اللي حصل حصل والحمد لله أنها جت على قدّ كده (20 جنيه) بس المهم أنكم تاخدوا بالكم من الحوارات دي ومش أيّ حدّ تثقوا فيه وتدولوا فلوس كده علطول من غير ضمانات ، وأنا عملت المشاركة دي لتحذيركم من هذا النصاب AboTreika وكمان عشان تعرفوا الطريقة اللي بينصب بيها على الناس .... وأرجو من المشرفين الكرام وضع اسم النصّاب ده في قائمة السكامر ليست ان أمكن

حسبي الله ونعم الوكيل