فيه حلول كتير جدا لو انت مريض نفسي و عايز ترخم علي نفسك و تطلع ****** .. سهله اوي
امال انا موجود ف المنتدي ده ليه ,, اولا الموضوع ده يعتبر مرجع شامل و يشمل كل حاجه ف فن التغتيت علي نفسك
اولا ..
ممكن تبعت لنفسك رساله كلمني شكرا علي الموبايل .. و فعلا تكلم نفسك .. " لا و ايه تلاقيه مشغول " .. يعني باعتلك رساله كلمني شكرا و مشغول
.. حل تاني ,, ممكن تتصل بنمره بيتكو علي الموبايل .. و قبل ما ترفع السماعه تقوم مكنسل و رادد .. و تفضل تقول ألوو
ألوووووو .. رد يا حيوان ,, يا حقيييير
شوفلك اتخن و اقوي واحد عندكو و خليه واقف مع اصحابه التخان دول ,, و ارزعه علي قفاه ,, " و متجريش .. خليك راجل و استحمل نتيجه افعالك "
غير ده و ده .. ممكن تخبط علي كتفك و تدور تشوف مين الي عايزك .. اقولك .. ممكن و انتا بتروح ف النوم كده تظبط المنبه علي خمس دقايق قدام .. " صدقني ديه هتغيظك اوي اوي "
و ممكن تلزق زرار الجرس بتاعكو بحيث انه يرن من غير توقف .. و تدخل ,, و تفتح و تشوف مين بيرن الجرس
اخرج من الشقه من غير جزمه " و ممكن من غير هدوم " و سيب موبايلك و محفظتك و كل حاجه جوه و انسي المفتاح ف الشقه .. و ابقي وريني هتدخل ازاي
ممكن تعمل تحميل كبير " 9 - 10 جيجا " و اما يوصل 99 % اقفله .. و اشخط و انطر ف الناس بقي و اقعد و قول مين الي قفل التحميل
هات قناه أقرا و استني عليها كليب بهاء سلطان الجديد
أكسر عصايه ايس كريم ف خرم باب عربيتك
روح خدمه عملاء فودافون و أسال علي رقم موبينيل .. " ممكن تتتخانق معاهم كمان "
أعرف حته ف الجهاز عندك بتكهرب و اقعد حط ايدك فيها
اقعد أسال علي عيل تايه ف الشارع زز ممكن يبقي حظك حلو و تلاقي عيل تايه بنفس الاسم " و تشاء الاقدار ان كمان يومين اهله يلاقوه معاك و تبقي لبست تهمه خطف "
جمع اصحابك و ثبتو بوكس ف الشارع " ولا جيش ولا ثوره هتحميكو "
روح عند عربيه فول و اطلب بيج ماك .. " و اتخانق معاهم انهم ازاي معندهمش بيج ماك "
لو قفلت و ملقيتش بيج ماك ... أسئلهم علي الصن داي
أسمع البرلمان الصيني .. و اقعد هز راسك .. و فجأه أطلع و اشتم ف الحكومه الصينيه
خـودهـا مـنـى .. أنـت كـلـم 122 و بـلـغ و قـووول " فـى بـيـتـنـا ارهـابـى "
و خـلـيـك أنـت قـاعـد فـى الـبـيـت لـوحـدك .. صـدقـنـى هـمـا اللى هـيـتـولـوا حـوار الـرخـامـة ده