البنااااااااااااات
هى دى مشكله معظم الشباب
كل الولاد عايزين يتعرفوا على بنات , و اكيد طبعا كل ما كانت البنات اجمد كان احسن
بس المشكله ان فى شباب كتير مش عارفين يتعرفوا على بنات .... يا ترى ايه هى المشكله ؟!
لبسهم كويس , شكلهم كويس , مستواهم كويس و مع ذلك مش عارفين.
انا على اساس خبرتى شايف ان البنات دى انواع ::
_ نوع بيحب الولاد الهاديين ( العيال المسهتنه ) اللى عايشين فى دور الرومانسيه
_نوع بيحب الولاد الصايعه ( الادرجيه ) اللى شايفين نفسهم و مقضينها خناقات
_نوع بيحب الولاد المروشنه ( الكوووول ) اللى مقضينها خروجات و ديسكو
_نوع بيحب الولاد اللى بيذاكرو (الدحيحه )
_ و نوع قليل اوى انك تلاقيه وهو اللى بيحبو الولاد عشان شخصيتهم
_ و اخر نوع وهو ده الغريب ان البنات بتحب الولاد اللى شكلهم غلط ... بمعنى ان الواد ولا شكله حلو ولا شكله ابن ناس ولا شكله فيه اى حاجه حلوه.. و النوع ده من الولاد يطلق عليهم ( شنفات ) او الاسم اللى انا مألفه (شاب خربىء مستكانياس )
وهو ده اللى هايجننى.
تلاقى البنت اموره اوى و شيك اوى و شكلها بنت ناس اوى ( من الاخر جامده ) و ماشيه مع واد اعوذ بالله .. رغم ان فى شباب كتير مروشنين كده هايموتو و تبصلهم بس.
يا ترى ايه السر فى ده.. يا ترى الواد الخربىء ده عمل ايه عشان البنت ترضا ؟؟؟؟!!!!!!!!
بجد حاجه تجنن :eek:
__________________________________________________ _______________
اما الموضوع التانى اللى عايز اتكلم عنه هو البنات و شرب السجاير
من الواضح اليومين دول ان شرب البنات السجاير بقى شىء عادى
انا عن نفسى شفت بنات فى ميدان الجيزه و فى رمسيس واقفين فى الشارع و بيشربو سجاير كده عينى عينك على رأى عمرو دياب
الاول كانوا بيشربوها فى الخباثه ولا فى كافى شوب
دلوقتى الحكايه بقت سلتى ملتى , يعنى سلطه
انا عايز اسأل سؤال ل الشباب ... هل من الممكن انك توافق تتجوز واحده بتشرب سجاير ؟؟؟؟؟؟؟؟
قبل ما تجاوبو انا عايز اقولوكو حاجه , ان انا اتعاملت مع بنات بتشرب سجاير وشيشه كمان و كان فى منهم كتير محترمين اكتر من بنات كتير مش بيشربوا لأ و محجبين كمان
هى الفكره بس ان هما متربيين على كده . ان مفيش حاجه اسمها فرق بين الولاد و البنات. و ان كولو واحد ..و ان شرب السجاير ده من حقوق المساواه..و مش معنى انى بشرب سجاير انى مش محترمه ..و فعلا انا بشرب سجاير و بلبس عريان و بخرج مع ولاد بس فى حدود و لا يمكن اعديها ,اكيد دينيا ده غلط و لكن اجتماعيا ..........................
هتقولولى حدود ايه بعد كده هقولوكو يبقى انتو مش عارفين حاجه..
للأسف بقى الحجاب هو الوسيله للأختباء من البلاوى السوده اللى بيعملوها
تتفاجىء ببنات محجبه بيعملوا حاجات تشمئز منها.
ده مش موضوعنا
انا بس بقدملكم فكره عن اللى بيحصل ( مش عن رأيى الخاص )
وده موضوع للنقااااااااااااااااش , يعنى كل واحد يقدم رأيه.. وشكرا