[darkahmedx]

4- انواع التحميل و البحث فيه و كيفيه الأستخدام

ده هايكون اطول رد و ممل كنت عايز اسبه للأخر بس جه الدور عليه شوف بقى انواع التحميل هي Direct و P2P مالهومش ثالث طيب انت تعرف ايه الفرق بينهم انا هاقولك :

Direct : هو انت لما تنزل من server الأساسي بمعنى ان واحد رفع الملف اللي انت عايزه على النت و حط الرابط بتاعه و الملف مش متصل بجهازه ( هاتعرف يعني ايه في p2p ) بمعنى لو هو قفل جهازه الملف مش هايوقف تحميل عندك و السرعه هنا بتعتمد على حاجه واحده بس و هي سرعه التحميل عندك اللي بيحمل الملف على جهازه ( يعني المستلم او اللي بيعملها دونلوود ) بس لو عدد الناس زاد قوي و بيحملوا في نفس الوقت هاتلاقي السرعه بطأت .

المستخدمين نوعين : uploader : و هو اللي بيرفع الملف على النت / downloader : هو اللي بينزل الملف من على النت .

p2p : الملف بيكون مقسم لأجزاء كثيره و كل واحد بيديك حته من عنده ( من على جهازه على طول ) و في نفس الوقت لو الحتى اللي انت اخدتها مش عند واحد تاني انت بتديهاله طبعا هاتقولي مش فاهم هحاول ابسطهالك اعتبر ان احنا بنبني عماره لو احنا اتنين طبعا هانبني العماره ببطأ و لو بقينا 5 هاتتبني اسرع ولو بقينا 20 هانبنيها اسرع و اسرع هي الفكره كده كل واحد بيشارك باللي عنده عشان يخلص الملف اسرع ببساطه كل ما عدد الناس زاد كل ما سرعه التحميل زاد . و السرعه بتعمد على حاجتين سرعه تحميلك انت و سرعه رفع الملف عند الراجل اللي بتحمل منه .

المستخدمين نوعين : seeder : هما اللي خلصوا من تحميل الملف ( كاملا ) و بيساعدوا بس الناس التانيه عشان يخلوا الناس التانيه تخلص اسرع . / leecher : و هما الناس اللي بتنزل الملف و في نفس الوقت بترفع اللي بتنزله .

ملحوظه لو الحاجه اللي انت هاتنزلها فيها ( عدد سييد : 0 و عدد لييشر : 10000000000000 ) اوعى تنزله عشان هايوصل لحته و هاتلاقيه وقف عشان محدش عنده الملف كامل .






نيجي بقى ازاي هاتدور بس عايز اقولك على حاجه قبل ما اكمل خلي بالك ان كل ما اللعبه مساحتها تكبر الروابط تزيد عشان المواقع اللي بيترفع عليها اللعبه بتكون محدد كميه الرفع في الرابط الواحد من الأخر عايزاك تشترك فيها فالناس اللي بترفع بيستخدموا النظام المجاني . المهم نخش في الموضوع على طول انت مثلا عايز تنزل لعبه .... نقول مثلا dead space 2 الأتي :

1- هاتخش على الموقع ده

phazeddl.com



2- اي حاجه من اللي انا عملت عليها دايره هاتلاقي حاجه زي كده ( افتح الموقع عشان مش هاعمل صوره عشان هايكون كبير )

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هاتلاقي تحت موجوده الراوبط و احيانا بيكون مكتوب الباسوورد لفك الضغط و طبعا لو كانت كتيره يعني مثلا 60 رابط اكيد هاتزعل لو وصلت للرابط 30 و لقيته بايظ طيب انت هاتعمل ايه قبل ما تنزلهم انا هاقولك حضرتك هتاخد الروابط الموجوده و تطها في الموقع ده

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

و تدوس check و تبص تحت شويه هاتلاقي الرابط بتاعتك اتكتب بالأخضر ( يعني كده سليمه ) لكن لو اتكتبت بالأحمر ( تبقى بايظه) و هاتضطر تشوف روابط غيرها.

و بكده خلصنا من المباشر



نيجي بقى لل p2p هو انواعه كتيره بس انا هاشرح احسن حاجه فيه و هي Torrent

نبدأ الشرح : اولا هاتنزل اي برنامج بتاع torrent انا عن نفسي بستخدم utorrent و ممكن تحمله من الموقع ده

utorrent.com

و بعد لما تصطب البرنامج ( هتدوس تكتين عليه ) هانكون خلصنا اول خطوة و نروح لثاني خطوة

فيه نوعين من المواقع النوع الأول و هو المجاني ( بيكون فيه كل حاجه ) بس بيكون بطئ و ساعات بيكون سريع انت و حظك و لازم تشوف الردود بتاعت الناس عشان تتأكد ان الملف سليم مش fake و تتأكد انه الملف مش مقفول بباسوورد .

المواقع :

isohunt.com

torrentz.eu

bt-chat.com

torrents.net

و فيه موقع كتيره غيرها بس نصيحه مني خليك في isohunt.com

فكره الأستخدام واحده :

هاتختار الموقع و تكتب اسم اللعبه في search



هايظهر كده طبعا كل ما زاد عدد seed كل ما كان احسن



و لما تخش على التورنت اللي انت عايزه هاتعمل كده



و هنا عشان تعرف اللعبه شغاله و لا اي كلام



المهم هاتنزل الملف اللي انا قلتلك عليه و تحطه في اي حته عشان هاقولك ازاي تستخدمه بعد لما اشرح النوع الثاني و هو النوع اللي مش مجاني



النوع اللي مش مجاني : معنى مش مجاني انك لازم تسجل فيه و طبعا الموقع ليه عدد معين من الناس بس اللي هاتسجل فيه بعدين بيقفل التسجيل و يفتح التسجيل اللي بفلوس هاتقولي طب ما كده محدش هايطرد عشان الجديد يخش هاقولك لأ فيه ناس بتطرد لما انت تعمل download كتير و مش بتعمل upload الموقع هايبعتلك انذار لو انت معدلتش ال upload بتاعك هاتطرد ( عشان كده هو سريع ) و لازم تسجل فيه عشان تقدر تنزل منه .

افضل المواقع ديت هي

Torrentleech.org




و لما تختار التورنت اللي انت عايزه هايظهر زي اللي في صوره ديت ( ملحوظه عدد سييد قليل لكن لو 1 سيدر بس موجود بيجيبلي السرعه الكامله للتحميل عندي.



و برضه نزل الملف و احفظه في اي حته عشان هاقولك دلوقتي ازاي تستخدموا.

بعد لما انت نزلت الملف و صطبت utorrent هاتعمل الأتي هاتمسك الملف اللي انت نزلته بالماوس و ترميه في البرنامج Utorrent هاتلاقي ظهرلك كده





بس تسيبه يحمل للأخر لو النت فصل او الجهاز قفل او او او البرنامج هايكمل عادي على اللي نزل بعكس Direct

و بكده نكون خلصنا اطول حاجه