اقتباس:
|
◄افكاره اول مابدئت المظاهرات يوم 25 يناير و كان شايفه ليها لزمه و هتغير ولا لأ .
|
لا كنت خايف اساسا ماتنجشى ونتنفخ ونبقى ليبيا رقم 2 بس من غير قتل ولاكلام ده بس امن دوله بقى ^^
اقتباس:
|
◄حكاوي يوم صلاه الجمعه و لما شوفت المظاهرت عندك في الشراع او فريبه منك عملت اه ؟
|
مظاهرات ايه ده هما كانوا 300 واحد ولا حاجه الى فى بلدى وكانوا قصاد قسم الشرطه وكانوا 90% منهم اخوان وانضربوا ... والبنات مشيوا بالزوق والشباب العاديه الى من غير ذقن سابوهم واقفين من غير ضرب بس كانوا بيضربوا رصاص فى الهوا والامن المركزى كان بيضرب الاخوان وبيلطشوا فى كل واحد والمطافى بالمياه فخلعنا بالزوق :D
اقتباس:
|
◄يوم الغضب الساعه 4-7 كدا لماا البلطجيه طلعت , حصن نفسو ازاي طلع السطور و السنجه او ابوه طلع الطبنجه اللي كان محبيه !
|
لا ماكنشى فى بلطجيه عندنا ... قالوا طلعوا من سجن وادى النطرون وسجن شبين العمومى بس طلعوا امناء شرطه وانضربوا من ناس عندنا اسمهم " قبلى " و " البر الشرقى " دول زى المطريه بتاعت القاهره, مافيش ظباط هناك, مافيش ظباط مرور حتى
فكان الى هيدخل عندنا شبين لازم يعدى عليهم الاول وبعدين يشوف هو رايح فين فعشان يجيى عندنا او فى البر الغربى عموما كان لازم يلف على الاتنين ^^... سمعنا بقى بعديها بيوم من اصحابنا هناك انهم شافوا ناس على موتسكيلات وعربيات جيب وعربيات امن مركزى باسلحه بيضه ومسدسات وحوارات فا انضربوا ومشيوا والى مات مات وفى بركه السبع نفس الكلام بس من سجن تانى وبردوا ماطلعوش من البلد ... بس حرقوا بيت الريس بعد الحوار ده
اقتباس:
|
◄ حكاااوي اللجان الشعبيه !
|
ماكنتشى لجان شعبيه لجان شعبيه يعنى هما كانوا الرجاله الى فى كل حى بيطلعوا بالشوم والسيوف والطبنجات ويقفوا على السكه بتاعت العربيات وألى الحى بتاعه له كذا طريق كان بيركن عربيتو فى طريق وكمان واحد وكمان واحد يركن عربيتو بالعرض وكده يسد الطريق بطول 3 او 4 عربيات وبكده مافيش لا موتسيكل ولا عربيه يدخلوا وبيشغل الانزار عشان لو فى حاجه يسمع ... انا عن نفسى كنت تحت بأليكتريك وسنجه بنت حرام طويله عامله زى بتاعت قريش
اقتباس:
|
◄اول صوت رصاصه سمعتها عملت اه ؟؟
|
مافيش حد نام عمتا يعنى عشان اعمل او لا... بس مافيش رصاص انضرب هو بس الفجر كان بيضربو رصاصتين كده فى الهوا الناس بتوع مدير الامن بتاع شبين عشان ساكن ورانا ... بيضربوا رصاصتين اما كانوا بيغيرو الshift
اقتباس:
|
◄بعد ما حسني اتنحي عملت اه ؟ انا عن نفسي لفيت الناس كلها في الشارع فارحانه و الستات بتزغرط في الشارع !
|
مافيش يعنى عادى مالفناش ولا حاجه عشان ماكنتشى فرقه اوى بصراحه بالعكس ده كله خاف والى بقى يجيب شاى وسكر واكل وطماطم والحاجات دى ويخزن فى شقته عشان كان كله ناس قديمه وخايفين لا تحصل الى حصل فى 52 وبالذات الاشاعه الى اتقالت ان الحكم العسكرى وحظر التجوال والحوارات دى ان فى كل شارع هينزل دبابه وشويه عساكر والى هيتشاف هيتقتل ... ده الى اتقال من الناس القدام بس ماحدش صدق عشان اساسا ماكنشى فى لا حظر تجوال عندنا ولا كان فى جيش ولا حاجه فى شارعنا, بس على بعد شارعين او تلاته كان بيت مدير الامن والسجل المدنى والمرور والبحث الجنائى وكانت ليله
ومافيش بقى حد خالص بقى ينزل بعد المغرب ... مغرب ايه ده ماحدش كان بينزل من الساعه 4 العصر ... البنات والعيال, لكن الشباب الى زينا والرجاله كانول بينزلوا عشان لو حاجه حصلت
* ياريت ماحدش يتريق على كلامى عشان دى الحقيقه فعلا *
والتالى...
نقول مروان او BaD_SaD
شكرا يا مصطفى على التدبيسه :D