[WELFA]

متستغربوش انا لسه بعقلى
هدخل فى الموضوع بدون رغى



ببساطة دى كلمة اغلب الشباب دلوقتى
اى مشكلة مع الاب بالذات تلاقى الشاب ده
راح واخد بعضه وماشى وسايب البيت

"زى الست اللى جوزها زعلها ورايحة لأهلها"

مع الفرق انه هنا مش هيروح لأهله ده هيروح لأصدقاء
ياعالم كويسين ولا لأ وياعالم هيعمل ايه بره

على العكس بقى نيجى للأهل كمان

البعض منهم اى مشكلة مع الولد يروح الاب ماشاء الله
يقوله بره بيتى ومشوفش وشك



السؤال دلوقتى عاوز بس افهم


انت كشاب شايف ده حل ان حتى لو الأهل مش متفهمين اللى عملته
أياً كان انك تسيب البيت؟

شايف هو ده اللى يستاهلوه منك حتى لو غلطانين؟

شايف فيما بعد هتقدر تتحمل مسئولية اسرة وانت فى اقرب خلاف
مع اهلك بتهرب او بتضربها طناش ويكش تولع ؟