كان فيه واحد هنا شايف
إنه فاهم إنه عارف
مفيش حد غيره فاهم
إنه ناصح و كلامه هادف
قاله صاحبنا فين دليلك ؟
فين بيانك ؟ ايه سبيلك ؟
قالك كلامي واضح و باين
مش محتاج دليل يبين
أصله واضح , أصله بين
ضحك صاحبنا وقاله اسمع
كل الكلام ده مش هينفع
لازم نشوف اصل الحكاية
بس قولها من البداية
و بلاش تحريف كتير
قالك هي دي الحكاية
و هي دي اصل الرواية
قاله دا كلام خطير
قال الصدق ف كلامي
و اللي مش عاجبه يطير
صاحبنا هاجم
صاحبنا دافع
قال كلام شديد
و كله سامع
هرب وراح قاعد بعيد
مفيش داعي بلاش تعيد
صاحبنا قاله بشرط واحد
تسمع كلام الكبار و تعقل
اللي حصل ممكن يعود
و نقول الكلام ده تاني
و ساعتها الكلام يزيد
و مش هتلاقي حد يرحم
و لا حد في يوم يفيد