فيه فرق بين اني اهين الاراء التانيه .. و قول الحقيقه .. انا قولت الحقيقه .. و الحقيقه علي طول محايده .. و الموضوع بعيد كل البعد عن رأي الشخصي .. لكن ديه الحقيقه .. المجلس متواطئ و الاخوان متواطئين مع المجلس .. ده ليه علاقه برأي انا .. و رجل الشارع المصري مع أحتراااااااامي ليه .. مضحوووووك عليه .. مفهمينه ان الثوار دول شويه خونه .. و يجي يقولك شباب الثوره العظيم .. و بعد كده يقولك 6 ابريل خونه .. اصلا 6 ابريل ديه من أول الناس الي شاركو في الثوره هما و (((شباب))) التيار الديني .. احب اوضحلكم ان المجلس العسكري ده 30 سنه مع مبارك مأعترضش علي جريمه واحده من جرايمه .. الي بيحصل ده خداااااااااااااااع للناس .. عشان يؤمنو ان الثوااااااار خونه .. سرقه علنيييييييييييييه للثوره ,, بمساعده من رجل الشارع المصري .. اما يخرج عليك رجل الجيش يقولك الثائر ابن بلدك صاحب الفضل عليك خائن و عميل روح اضربه " زي ما حصل في العباسيه " .. يبقي المجلس هو الي خان الثوره و ضحك علي الناس .. فهمهم ان الاقتصاد واقع " اكتر ماهو واقع " الاقتصاد يا جدعاااااااان طول عمره واااقع .. زي ما ابراهيم عيسي زمان قال ان المخلوع مبارك مريض .. أتهموه بأنه وقع اقتصاد مصر .. لييييييييه .. اما الريس يمرض ده هيوقع الاقتصاد في ايه .. عزيزي القارئ .. انت كنت بتتابع حاله الاقتصاد في مصر يوم بيوم في الايام العاديه .. حسنا لو كنت فهتكتشف ان الاقتصاد عمره ما وقع عن الطبيعي و ان كل الكلام ده زيف .. لو مكنتش متابع اكيد هتتهمني اني موقع اقتصاد البلد .. احب اقولك الي بيوقع اقتصاد البلد هو الفلوس الي بتتهرب بره بمساعده المجلس الخائن .. انا نفسي افهم ايه المجاعه الي حصلت في مصر .. ايه الخراب الي حصل .. انا عن نفسي ماشفتش حاجات وحشه من الثوره .. يمكن جدتي عيت شويه بس و مافيش مستشفيات كانت فاتحه .. الوحيد الي عنده القدره يفتح السجون هو الشرطه نفسها .. عملو للناس حاله من الرعب من الثوره و الثوار .. الناس الي بتقول عايزها زي ليبا .. اقولك يااااااااااااااريييييتناااااااا نبقي زي ليبيا ,, ثوار ليبا عملو ثوره و خدو الحكم .. لكن احنا عملنا الثوره و خدنا حكم .. بس حكم محكمه :)