السلام عليكم
بص يا جميل انا كنت قولت كده من زمان محدش صدقنى وكله للاسف جه عليا
والناس شتمتنى بس مفيش مشكله لانى كنت فاكك دماغى من الحوارات دى
ومن المصريين اساسا علشان كده عملت يونيون جامد وعملت جيلد جامد وكنت الحمد لله
معروف والباقى معروف ( ده مش غرور ) بس الظروف اجبرتنى وجربت حظى بعيد
ونجحت .. طيب انا مش بقول كده علشان افك الموضوع اكتر ما هوه
انا قولت للناس فكره من زمان وقولتها من فتره تانى بس محدش عبرنى عامة
برده هيه نصيحه مش اكتر ..
بما ان الناس عاوزه تعمل يونيون جامد وده مش غلط وبرده يكون شامل
حبايبنا كلهم والمصريين اكيد ..
قولت يتعمل جيلدين واحد يشيل كل ال 80+ او 75 + او 70+ يعنى على حسب بقى .
العدد هوه اللى يحدد . من الاخر الجيلد الاول ده هيكون خلاصة المصريين فاهمنى طبعا
-----------
اما الجيلد التانى هيكون للناس حبايبنا برده ال 69+ او 60+ او 50+ برده على حسب العدد
الفكره فاشله مبدئيا لان انا عرفت المصريين بيفكروا ازاى ...
كله عاوز يمسك ;) محدش يفهمنى غلط :D
كله عاوز يبقى الماستر او هوه المتحكم الاول والاخير وكل واحد معاه جيلد
والله هطلع والله هروح والله هعمل طيب يا سيدى روح اعمل بس الناس اللى معاك دى؟
انت بتتكلم على لسان الناس ولا لسانك ؟
عامة مش ده الموضوع . كان سبب نجاح اليونيون عندى ان محدش كان بيقول عاوز
الماستر او حد كان يقول اشمعنى ده او حد كان يقول انا طالع او يسحب نفسه
بس ولله الحمد عرفت امشيه ازاى .. هوه طبعا اتفك بسبب ظروف كتيره وبسبب
حوارات وقصص ملهاش لزمه برده دلوقتى ..
. حتى جيلد 24/7 الراجل صاحبه استأذن
انه يمشى بعد ما استشار الناس اللى عنده علشان يروح كويت
ومطلعش الا لما اتكلمنا كتير على اليونيون نفس الموضوع مع الناس التانيه
فى احترام اولا واخيرا وكلمه واحده اللى بتمشى ;)
واللى يعرف وفاكر Fortaleza بالجيلد بتاعه اللى كان معاه الفورتريس
كان عندى فى اليونيون واديته bann هوه وجيلد Angels علشان المصلحه
يطلب مساعده فى الفورتريس وفى ال jops او pvp مش بيساعد
ممكن تسأله وهوه عارف بس انا مش ده اللى يهمنى انا اللى يهمنى
شوفوا الاداره كانت ازاى مش مهم تضحى بايه المهم فى الاخر عملت ايه ؟
طالما كله بيحب جيلده اوى وحابب شغلانة الماستر دى مش هتعملوا حاجه
تعالوا ندخل كلنا جيلدين ونمسك ماستر يونيون
ونجيب الناس بس انا اخر واحد هينضم لانى بصراحه حرمت اخدت مقالب كتيره
وانا فى حاجات مش هخسرها تانى علشان المصريين
وفكرة يونيون مصرى بس مش نافعه ازاى كله مصرى ؟ احنا لو اتراك اقولك ماشى
اتجمعوا وهاتوا جيلدات فى اليونيون علشان انتوا محسسنى ان المصريين ال 80+
اكتر من 100 لاعب اليونيون 8 جيلدات كل جيلد فى 50 لاعب احسبوها انتوا
مش كل واحد عنده جيلد ليفل 5 فيه 2 او 3 يقولى انا داخل بجيلدى وياخد مكان لوحده
انا مش عارف العالم دماغها صغيره ليه متكبروا بقى شويه وكله ياجى على نفسه
محدش عاوز ياجى على نفسه مش هتعملوا ولا هتوصلوا لاى حاجه
اقولكم ليه ؟؟
لان كله فى جيلده مع الناس اللى عنده بيقول ياله اجرب لو معجبنيش هطلع
ازاى ؟؟
كده انت محلتش كده انت بتخربها اكتر وا كتر انت ساهمت بايه ؟؟ انك جيت اليونيون
يا اخى ما انا ممكن اجيب 50 جيلد اليونيون ولا ايه ؟ انا بتكلم عامة مش موجه الكلام لشخص معين
اقصد من ورا كلامى الناس تشارك بكلمه مفيده ولا خطه كويسه
انا شايف فوكس شغال الله ينور والراجل اتصل بيا وبيجرى فى الموضوع
بس لازم الناس كلها تكون جنبه واللى مش محترم فى حاجه اسمها kick سواء لعضو
او لجيلد
اتمنى اكون افدت بشىء وكلامى ميزعلش حد
خلص الكلام