[GOOD_WIIZARD]

حد فاكر وهو صغير ايام زمان .... كانت ايام جامده والله
بس كانت في حاجه كل لما افتكرها دلوقتي احس ان احنا كنا متخلفين اوي





1- لما كنت صغير وتعمل حاجه غلط ... كان امك تقولك اسكت عشان مجبلكش الاسد يجي يعضك
او يقولك هجيبلك ابو رجل مسلوخه ... والمشكله ان احنا كنا بنصدق زي الهبل ولما تسمع الكلم ده بتقعد ساكت للاسف
مكنتش تعرف ان ابو رجل مسلوخه شخصيه خياليه متخلفه اهلنا ابدعوها عشان يخوفونا بيها مش اكتر




2- مين فينا وهو صغير اول يوم ليه في المدرسه مكنش بيحس بانه رايح يحارب وهموم الدنيا كلها فوق دماغه
انا عن نفسي واحد من الناس كنت بفضل اعبط واعيط بس برضه كنت بروح
ويجي في الاخر ابوك ياخدك بالراحه ويسرح عليك بشيكولاته كوفرتينا ... ويقولك تعالى المدرسه حلوه
طبعا انت زي الحمار تشوف الشيكولاته تريل وتصدق ... تخش تلاقي المدرسه ماسكه عصايه وبتضحك في وشك وتقوليك خايف ليه يا جميل ... تبدا تفرح لحد لما ابوك يخرج من الفصل الابتسامه اللي على وش المدرسه بتتحول لضحكه الجوكر بالزبط
وبتبدا تنفض الطلبه بالعصايه لحد لما تخلص عليك







3- طبعا كلنا كنا بنتفرج على ( كونان _ داي الشجاع _ كابتن ماجد _ مازنجر _ جرندايزر )
طبعا وكل واحد فينا كان نفسه يبقى زي واحد من الناس دي ... على عكسي انا كنت متخلف زياده عن اللزوم
كان نفسي ابقى كل الناس دي ههههههه ( طفاسه ) .... وخصوصا داي الشجاع

اول مره اتفرجت فيها على الكرتون ده البدايه بتاعته وهو بيعمل ضربه ( فان-داي القاضيه )
حاولت اعملها بعصايه المقشه وكانت النهايه فتحت دماغ اخويا الكبير .. وبالتالي هو كمان مثل عليا كرتون مازنجر وركب في دماغي وعملي عاهه مستديمه هههههههههههههه