عاجبني اوي طريقة المناقشة الي بتدور في الموضوع دة .. يمكن مشفتهاش في مواضيع كتير في المنتدى
ولغاية دلوقتي ممكن نلخص الي اتقال كله في 3 احتمالات
1- فناء الطاقة
2- حدوث حرب تدميرية ويختفي سر التكنولوجيا
3- بقاء الطاقة في صور لا نستطيع استخدامها او الأستفادة منها
في حاجة 4 يمكن في ناس مش واخدة بالها منها
أمر الله عز وجل .. ودة فوق كل شئ
وكمان هقولكم حاجة .. ممكن تحصل حرب وتفنى فيها الطاقة .. ولاكن تكون حرب تكنولوجيا وليس حرب تدمير
فمنذ زمن ليس بالكثير .. حاولت امريكا اختراق دولة مش فاكر اسمها ولاكن والله القصة حقيقية
الدولة دية .. عدد سكنها متوسط .. امريكا سلحها هو الطيران .. ولما نيجي نقول طيران امريكا بيشتغل ازاي .. هنقول بيشتغل عن طريق الردارات والأقمار الصناعية
الدولة دية او البلد دية .. طلعوا على القناه التلفزيونية بتاعتهم زي القناه الأولي عندنا كدة .. وقالك كل واحد يدخل على الياهو او هوتميل .. اي برنامج محادثة هوا بيستخدمو ويبعت رسايل فاضية لكل اصدقائة !!!
هل تصدق ان رسائل فارغة استطاعت ان توقف امريكا من اختراق هذه البلد ؟؟ !!!
نعم فهذا ما حدث .. عن طريق تلك الرسائل استطاعت هذه البلدة ان تحجز مساحة كبيرة جداً على الأنترنت .. بواسطة هذه المساحة استطاعت ان تعترض مسار القمر الصناعي الذي بواسطة تحلق طائرات بلدة امريكا .. فلم تستطيع امريكا ان تخترق تلك البلد .. بواسطة استعانة هذه البلد بفكرة قد تكون في قمة الهيافة بالنسبالنا .. ولاكنها في قمة الذكاء بالنسبالهم
تعالى نطبق دة على موضعنا .. هي معلومات تصنيع هذه الأسلحة حاطنها في ورق في جبهم مثلاً
ولا على اجهزة كمبيوتر او اجهزة تكنولوجية عمتاً .. يمكن ان تخترق تلك الأجهزة
وكل بلد تخترق بلد تانية .. وتسمى حرب الكترونية .. لغاية ماكلو يدمر بعضو .. ويدمروا شغل علماء اكتر من مئات او الاف السنوات .. هل هيقدر العالم دة حتى لو هو موجود .. يرجع بالزمن مئات او الاف السنوات عشان يصممها تاني في اقل من 10 سنين حتى او 20 او 50 سنة
لا اعتقد ذلك .. فا ممكن تكون دية طريقة بردة من ضمن الطرق .. وبلاش نسبق الأحداث .. ونرجع في الأخر نقول الله اعلم .
اسف اني طولت عليكم شوية