عشان ببساطه كل الى بيصلى والى بيقرأ قرأن وبيعمل كذا وكذا وكذا بيعملها عشان مفروضه عليه عشان ده دينه لكن لو سألته ليه ؟ هايقولك ايه ؟ مش هايرد ولو سألته انت ليه مسلم ؟ بردو مش هايرد ولو قلتله انت ليه مؤمن ؟ مش هايرد
عارف ليه ؟ عشان مجرد انه اتولد شاف ابوه مسلم وامه مسلمه فابقى مسلم وبقى يخاف ربنا ولازم يصلى والحاجات دى كلها لكن مش فاهم ليه
بالظبط زى الى بيحفظ درس عشان هايسمعه النهارده فى المدرسه بس مش فاهمه فابكره ينساه بس النهارده لزم يحفظه عشان ماينضربش ... تخيل بقى لو طلبت من نفس الشخص انه يحفظ القرأن مثلآ او بلاش القرأن نقول اسماء الله عز وجل الحسنى ... هايحفظها ؟ لا ... ليه ؟ عشان هو مش عارف فى الله ولا مافيش ... فى يوم قيامه ولا مافيش, هايتحاسب ولا مافيش حساب الخ الخ
مثال تانى ... بعيد عن الدين والمنتدى واللعبه ... الناس بتوع النظام القديم او نقول الناس الى كانت فى الشارع والقناصه وبتوع امن الدوله الى كانوا بينفذوا اوامر اللواءات الاكبر منهم او العقيد مش عارف مين وكده ... هل فكروا للحظه انهم لو خالفوا الاوامر ربنا هايرضى عنهم ؟ ولا فكروا بس انهم لو خالفوها هايبقى عصيان مدنى وعقوبته الاعدام ولو وافقوا وقتلوا نفس بريئه ( لو نفس واحده بس ) هايبقوا تمام وممكن يترقوا فيها وعلاوتهم ومرتبهم يزيد ... فكروا فى ايه ساعتها ؟ أكيد مش فى ربنا ... استغفر الله العظيم
أظن دى اجابه مناسبه على سؤالك ... ولو انا غلط, تقدر تصححلى بس بالمنطق ^^
وانا اسف لو الفاظى كانت جريئه زياده بس انت قلت لو عندك الجرأه رد ...