الحكاية يا جماعة مزعلة الناس اللي صرفوا فلوس عاللعبة الأصلية .. ومزعلة الناس اللي وصلت ليفل عالي .. كل دول بيقولوا مش لعبة جديدة وده تيست هيتطبق عاللعبة الأصلية .. ومنهم اللي قال إنها لعبة جديدة بس هتفشل ومفيش حد هيروح يلعب هناك .. وكلام كتير كده..
وناس بتقول دي لعبة جديدة علشان ملحقوش كام ايفنت في سيلكرود مثلا وملحقوش يعملوا بلاسات عالية زي غيرهم أو مكسبوش حيوان بيلم الجولد أو أي حاجة زي كده .. وناس تانيين فرحانين إنها لعبة جديدة وهم ليفل عالي علشان هيبقوا التوب في اللعبة الجديدة .. ده غير الليفلات القليلة اللي ما هيصدقوا يبدأوا من الأول في لعبة نضيفة مفيهاش بلاسات وليجندات وحاجات مش هيعرفوا يوصلوا لها..
كأن القرار هنا على حسب المصلحة..
تعالوا نفكر بالعقل كده ونشوف هل فيه دليل عالكلام ده وللا ده؟
يا ريت تكمل الموضوع لآخره قبل ما ترد بس..
واخدين بالكم؟
نسخة بيتا لعملية الفتح الرسمي للعبة .. معناه إن فيه لعبة جديدة وعاملين لها نسخة بيتا في الأول زي أي لعبة .. مقالش فتح نسخة بيتا للتعديلات اللي في Silkroad الأصلية
ده غير إنه بيقول لك في 2012 .. هو إحنا في 2012؟
معناه إن اللعبة هتكون نسخة معترف بيها ومش تجريبية في 2012 زي أي لعبة ما بتبدأ بيتا كده..
وقسمها لك كمان .. من 6/12 لغاية 20/12 دي كانت تعديلات في المهارات .. اللي هي F.G.T اللي كان الناس 1ليفلات 101 بس بيلعبوها من يوم 6/12 وقفلت في 15/12
ومن 20/12 لغاية 17/1 نسخة OBT تجريبية للعبة SilkroadR
ومن بعد كده تبدأ إيه؟ Update في Silkroad الأصلية؟
لا .. تبدأ SilkroadR..
يعني الأربع أسابيع دول هي النسخة OBT مش SilkroadR نفسها .. تجريبية يعني..
محدش بقى يقول لي إنها هتخلص في 17 يناير
مش مقتنعين؟
طب نشوف دي..
فيه نسخة بيتا للعبة الأصلية بيفتحوا فيها سيرفر تاني؟
ده علشان محدش يقول لي إن مفيهاش سيرفرات..
وكمان سيلكرود بدأت بكل السيرفرات دي في الأول يعني؟
لسه شكلكم مش مصدقين..
عاملين لها موقع مخصوص مع الألعاب في جوي ماكس..
بيتا لسيلكرود وحاطينها جنب سيلكرود وبصورة مختلفة؟
مش معقول لسه مش مقتنعين..
أنا قلت أجيب من الآخر بقى..
ده رد واضح من شركة جوي ماكس واللي ما يشتري يتفرج..
معلش بقى لو طولت عليكم بس كان لازم أقول الكلمتين دول علشان نرسى على بر..
وشكرا
.
.
.