السلام عليكم ورحمة الله وبركاتة
الموضوع أكثر من رائع
وبعد اذن صاحب الموضوع انا عندى حاجت احب اضيفها للإفادة لانى كنت بعمل أكاديمى برضة وعرفت فيها حاجات كتير لحد الحمدلله ما خدت الكينج بف
____________________
ترتيب مراكز الاكاديمى لا يحسب بعدد المتخرجين ودة معظم الناس بتقع فيه وانا كنت واحد منهم
مثلا : تلاقى واحد عاوز ناس تدخل معاة الاكاديمى بشرط يكونو لفل 39 أو ممكن 35+ أو من30 - 39 لانة فاهم انه هيدخل الناس معاة و يعملهم بور لفل وبكدة يخرج فى اليوم 30-40 واحد وعلى اخر الشهر يكون خرج 600-1000 واحد ودة كلام غلط وكدة ولا اكنك عملت حاجة خالص سيلك رود برضة مش ساذجة للدرجة دى xD
ترتيب مراكز الاكاديمى تحسب بعدد ال honor points وأعلى 50 واحد فى السيرفر معاهم honor points هما دول اللى بتشوفهم فى ال honor rank list
_____________________
ال Honor points : ودى بتتحسب على كل لفل قضاة الطالب فى الاكاديمى بمعنى
مثلا : واحد دخل الاكاديمى بتاعت حضرتك وكان لفل 1 ووصل لفل 40 هتاخد منة 39 نقطة لانة هيكون قضى فى الاكاديمى 39 لفل 40 - 1 = 39 نقطة
و لو كان داخل الاكاديمي وهو لفل 10 ووصل ليفل 40 هتاخد 40 - 10 = 30 نقط شرف
و لو كان داخل الاكاديمي وهو لفل 20 ووصل ليفل 40 هتاخد 40 - 20 = 20 نقط شرف
و لو كان داخل الاكاديمي وهو لفل 29 ووصل ليفل 40 هتاخد 40 - 29 = 11 نقط شرف
طب واحد دخل الاكاديمى وهو لفل 30 ووصل لفل 40 هتاخد 40 - 30 = صفر اية صفر ؟
ايو صفر طب لية بس
مش هتاخد اى حاجة
نقط الشرف تاخدها على كل لفل قضاة الطالب فى الاكاديمية بشرط يكون اقل من لفل 30
علشان كدة بتلاقى ناس مركز 50 فى قائمة الشرف وبيكونو مخرجين 200 واحد فى حين المركز 45 بيكون واحد مخرج 150 مثلا
ودة لان اللى مخرج 200 واحد بيكون معاة نقط شرف اقل من اللى خرج 150 واحد
مثلا : انا خرجت 300 واحد وانا المركز ال عاشر (10) فى قائمة الشرف Honor rank فى حين اللى واخد المركز 9 أو 8 مخرجين 280
بس انا مخرج 300 منهم 10 كانو داخلين الاكاديمى وهم لفل 39 - و كمان 10 كانو داخلين وهم لفل 35+ وكمان 10 دخلو وهم لفل 30
و ال 270 ال باقين كانو داخلين من لفل 1
تعالو نشوف النقط بتاعتى
ال 10 اللى كانو 39 خدت عليهم 0 نقطة
ال 10 اللى كانو 35 + خدت عليهم 0 نقطة
ال 10 اللى كانو لفل 30 خدت عليهم 0 نقطة
و ال 270 اللى كانو لفل 1 خدت عليهم 270 * 39 = 10530 نقطة
فى حين
اللى مخرج 280 كانو كلهم لفل 1 كدة هو معاة 280 * 39 = 10920 نقطة
وعلشان كدة هو أعلى منى فى ترتيب المراكز
معلش طولت عليكم بس دة للإفادة و شكرا