[HecT000R]

سيرفر المريخ ،، سيرفر الفضاء ،، و الكائنات الفضائية ،، سيرفر الكواكب و النجوم

كان و لا يزال سيرفر مارس ،، هوا سيرفر الحصريات ،، سيرفر الاقوياء ،، سيرفر الرجال


ولكن من هوا الافضل ؟ ،، الاجدع ؟ ،، صاحب صاحبه ؟
سؤال يطرح نفسه !! !






بقول ايه بالصلاة ع النبى كده احنا اسرة فى بعضينا فــــ فاكس بقى من العربية الفصحى و نتكلم عربى








فكرة المسابقة بسيطة جداً ،، كلنا لينا اصحاب فى الجيمــ ،، منهم الصاحب الجدع و الصاحب الندل

فكك خالص من الندل و خلينا فى الجدع ،، حتى لو مش صاحبك ساعات بتبقى فى زنقة فى موقف وحش و بتلاقى واحد ميعرفكش وقف جنبك و ساعدك










مزنوق قوووى فى مليون ولا 2 مليون ،، ييجى واحد من حيث لا تدرى يديك الجولد و يمشى



4 ولا 5 بيحطوا عليك فى PVP ،، و تلاقى واحد ابن حلال جه وقف معاك و ساعدك




بتأتك فى جاينت بارتى و خلاص حتفيص ،، ييجى واحد على باب الله يديك بفاية و يمشى




كل دى مواقف مع انها بسيطة لكن مستحيل ننساها و بتفضل جميل فى رقبتنا طول العمر

طيب ما جه الوقت نرد فيه الجميل ده

قولى ازاى ؟








كويس انك سألت ،، مش عايز اطول عليكمــــ


كل واحد حيدخل الموضوع يقول اسمـــ اجدع و احسن واحد ساعده و وقف جنبه فى الجيم
بغض النظر عن البيلد او اللفل او الجيلد بتاعه ،، المهم يكون فعلا راجل جدع و يستاهل يحمل لقب سوبر ستار سيرفر مارس








قوانين المسابقة

ان شاء الله مش حتكون معقدة ولا مملة


1 : احنا الموقع العربى الاول لسيك رود ،، عشان كده لازم الشخص الى انت تختاره كــــ سوبر ستار السيرفر يكون من داخل الوطن العربى



2 : ممنوع التعليق او التعقيب على رأى اى عضو اخر ،، حرية الرأى و الاختيار مكفولة للجميع



3 : مدة المسابقة 20 يومـــ ،، و بعد انتهاء المدة حيتمـــ فرز الترشيحات و الاعلان عن سوبر ستار السيرفر ،، و تقرع الطبول و تدق الاجراس و تعلن الافراح و الليالى الملاح فى القسمـــ احتفالاً بمستر سوبر ستار القسمـــ








الجوايز

طبعا الجايزة الحقيقة فـــ حب و احترامــ الناس ليك ،، لكن بردو فى جوايز رمزية مقدمة من ادارة الموقع

• 20 سيلك مقدمة من ادمن الموقع شخصياً
• جرانت نيمـــ دائمـــ فى المنتدى تحت مسمى ( سوبر ستار Mars)
• ادراج اسم الفائز فى موضوع ،، لوحت شرف سيرفر Mars

و دلوقتى يلا بينا نختار احسن و اجدع واحد عربى فى السيرفر


على بركة الله