فعلا مشكلة الاطفال --(الناس الى سنهم / عقلهم صغير)-- دى مشكلة اساسية لكن مش الاهمــــ
مشكلتك الاكبر هى الابتزاز المادى الصريح -(البجح)- من جوى ماكس
انت زمان كنت بتشحن 50 سيلك اول ما توصل لفل 20 عشان الاكونت مياخدش بلوك و شكراً على كده
و ممكن كمان متشحنش ال 50 سيلك دول و توصل لفل محترمــ من غير ما تشحن ولا سيلك واحد
لآ و كنت بتمشى فى الشارع ترقص و تتنطط انا شحنت 50 سيلك يا رجالة ،، و بتجيب بيهم كلهم تايجر ولا نعامة و تفضل تلف بيها الجيمـــ كلها ،، ايوة بقى راكب تايجر بسيلك مين قدك
دلوقتى قولى كده ايه فى الجيمــ مش بسيلك ؟؟؟ قولى محتاج كام سنة عشان تبقى حاجة محترمة فى سيرفرك من غير ما تشحن على الاقل 500 سيلك فى الشهر ؟
فى رأيى ده السبب الرئيسى فى خراب الجيمـــ و انها بقت لعبة اطفال
لان الناس الكبيرة القديمة --(بدل ما اصرف 300 ولا 500 جنيه / و يمكن اكتر كمان)-- على كل اكونت معايا فى الشهر
لا انا اصرف الفلوس دى على بيتي و عيالى / او احوشهمـــ و ابدأ اكون نفسى عشان اخطب و اتجوز
لكن الطفل ابو 13 و 15 سنة مع احترامى ليهم يعنى ~~ يا بابا عايز 300 جنيه
خد يا حبيبى
و ساعات بتوصل انه يمد ايده على فلوس البيت او مصاريف الدروس
واحد بيسرق فلوس من بيتهم عشان يحطها فى اللعبة !!!! مستنى منه مثلا يكون انسان امين و تثق فيه جوا اللعبة ؟
