[ALEX_MOON]

بدون مقدمات

انا مش عارف البلد حصل فيها ايه بقالى كتير مخرجتش
قولت انزل اكشف عند الدكتور واقف مستنى المشروع

و عامل حسابى طبعا حقعد سنة اركب بس حصلت المعجزة

اول ما عديت الشارع لقيت مشروع اول ما ركبت لقيت هيصة

فى ايه يا ردالة لا مفيش اصل السواق بيقول الاجرة جنيه و نص

المهم انا قولت اى حاجة مش مشكلة فجاة لقيت واحد بيقول لاااااااا

مش حيتحكموا فينا المهم كلمة من هنا على كلمة من هناك

السواق طلع و خد الاجرة جنيه و ربع بس قولت الحمد لله الناس حتسكت شوية

فضلوا شغالين و البلد و الاخوان و الشاطر و ابو اسماعيل و الحجة اللى قاعدة جنبى طول السكة

نايمة و لما تصحى تقول طب ليه كده يا اخونا متخلو الاجرة ربع جنيه زى زمان اقولها نامى يا حجة

و دخلوا بعد كده فانتخابات الرئاسة واحد يقول حمدين و التانى يقول الشاطربعد ساعة من الصداع

قعدت افكر كده احنا ليه بنسكت كده و بنرضى بأى حاجة يعنى سواق المكروباص لما لقى الناس

كلها هاجت عليه مقدرش يفتح بقو مهى مصر كده برضه فى واحد بيسوقها و شايفنا ساكتين

ليه لما نلاقى حاجة مش فمصلحتنا نقول لا زى ما فى 4 انفار فالمكروباص لما السواق بيغلى

الاجرة مش بيتكلموا فى برضه نسبة زى دى من الناس عندهم استعداد يقعدوا فالبلد بأى حال ان

شالله البلد تتشقلط هما راضيين ده ال40 % دول مجازا يعنى ده لو مكنوش 70%

مش عارف اقول ايه تانى بصراحة بس بجد حاسس ان مشكلة البلد بتكبر حد يضحك عليه و يقولوا

لا بكرة اللى جاى احلى