[WELFA]

بعد طول غياب و عنيــ و عن الجماعة
نرجع نتكلم تانيــ

تررن .. تررن .. تررن
الساعة 9 الصبح

انا : آلو ( بصوت مخشرج و خشن )
الجماعة : الله يا حبيبيــ صوتك حلو و انت نيام
انا : ربنا يخليك ليا حبيبيــ ( يعنيــ انت متصلة عشان تقوليــ كده !! ) .. آيه الكلام !!
الجماعة : مفيش اصليـ كنت بحلم بيك فقلت اكلمك
انا : الله الله الله حلم
الجماعة : بلاش قلت أدب كنت بحلم انك جامبيــ و انا بالفستان الابيض
انا : طب ماهو بعد الفرح فيـ قلت أدب
الجماعة : ماشيــ يا خويا .. حشوفك النهاردة
انا : آه ان شاء الله

و انتهت المكالمة و كملت نوم و انا بفكر فيــ الحلم ها الحلم
بس بعدها صحيت و لبست و حطيت perfume و ظبط نفسيــ و نازل

الحجة : آ عمر ..
انا : ايوه يا آ حجة
الحجة : متتأخرش .. و سلمليــ على الجماعة
انا : حاضر يا حجة ( حتى انت بتقوليــ جماعة )

و ديـ كانت أول حاجة تقفل اليوم
نازل الconverse بتاعيـ لسا جايبه اتقطع من الجنب
كنت شوية و حسب
بس قلت على رأيــ مكيــ
( هاديــ هاديــ )
ركبت المشروع

السواق : الاجرة جنيـ و نص و الليــ مش عايز ينزل
الناس : حرام عليك انت معندكش اخوات بنات !!
السواق : #$@&*$#%
الناس : #&@#&%
انا : يا دين أميــ يلا يا عم عشان متأخر

طلع الراجل ماشيـ على البحر ب 180 و الناس حاضنة بعض و عاملين يسبوا للراجل @#*&$@^

الناس : يا أسطىـ أبوس أيد أمك أهدى
السواق : الليـ مش عاجبة ينزل
أنا : أشهد أن لا اله الا الله و ان محمد رسول الله

الحمد لله وصلت
أول أما نزلت : يلعن @#*# أهلك

ببوص فيــ الساعة طلت ناسيها
بقيت عمال أشد فيـ شعريــ
( هاديــ هاديــ )

خلاص الحمد لله رايح للجماعة ..
حاجة تفرحنيــ

تررن .. تررن .. تررن

انا : آلو أيه يا حبيبيــ انا خلاص اهو جايـ
الجماعة : انا اسفة ماما افشت عليا .. مش حينفع اجيلك
انا : لا ولا يهمك .. Bye
الجماعة : ماتزعلش .. Bye

انا بعد أما قفلت : @##$%@^&%^#$ُ%!@

اعدت اتمشى شوية و ابوص فيـ خلق الله
محدش طايق حد و حاجة مقرفة

لغاية اما جه الوقت التاريخيــ
و أذا بجموع من الناس وقفة و سب و شتم و زعيـء
أولت أيه مسكوا عمر سليمان يا رب أضربه

بس للاسف لقيت حاجة تانية خالص
جبل ...
جبل زبالة ما شاء الله برج !!
بس ووقفت وقتها قلت آيه ده و استغربت

لقيت ان الناس عاملين أضراب y.png" border="0" alt="" title="Competitivey" class="inlineimg" />
و ناس تانية عامله زحمة و قرف

قلت ممكن هنا بس
ماشيـ لاقت أسكندرية كلها زبالة
و كمان الله على الريحة و الحشرات و العمارات الليــ بتتهد

روحت البيت على آخريــ و حالتيــ زفت

أعدت أقول طب ليه الليــ حاصل ده !!
و ليه التعطيل ده !!
و المصطلح الرائع عجلة الانتاج وقفة ليه !!
و هل حال البلد حينصلح ولا لا !!
و ازايــ تتصلح البلد !!