[™SilverEye™]

بسم الله الرحمن الرحيم

النت والفشر ارتباط رهيب بينهم...

يعنى مثلا انا مرارتى اتهرت كل ما تتكلم مع حد يهريك بقى....

انا بابى فولان (وهوه بيقول ابويا ) وبتاع جرايد اساسا...

انا مامى بنت فولان (وهيه بنت عم محمد البواب)....

انا بدرس فى الجامعه الامريكيه (وهوه صنايع اساسا)...
...
بابى جبلنا فيلا فى مرينا (وهوه جابلهم عشه فى مساكن العشوائيات)
...
انا مبشربش الا كابتشيونو (وانا اقطع دراعى ان كان يعرف يعنى ايه ده اساسا)...
لا بقى ويقلك ايه انا بسمع اغانى اجنبى (يا عم روح وانت مدمن شعبولا اساسا)....

لا بقى ولا كلمة شيكولا ههههههههههههه هوه اساسا بيقولها شكليطه ....

فى محداثه على الياهو مره واحد اشتغل فى الحوار ده بالمختصر رسم عليا دور ابن المليونير ....

وانا مرارتى بتتفقع من الناس دى المهم قلى وانت بقى
....
قلتله لا يا عم انا شغال في قريه سياحيه...

قالى ايه ده ومش مكسوف.... :dots:

قلتله ايه واتكسف ليه هوه انا حرامى انا افتخر بالى انا فيه نصيبى وراضى بيه الكلام مش بفلوس ممكن.. اقول انى واد رئيس الوزرا بس ساعتها هحس انى احقر من بنات اليل..

هوه ليه فيه ناس بتستعر من حالها فيها ايه لما اقول الحقيقه والى يقبلنى على حالى اهلا وسهلا والى يرفض فى داهيه ....

ومالو لو ابويا بيشتغل اى شغل واقول هستعر منه بعد مخلانى راجل دى مش مرجله اساسا....

هل يا جماعه علشان الناس تحترمك لزم تكدب عليهم؟...

طب انا شفت فعلا ناس لو كدبت عليها تحترمك ولو قلتلهم حقيقتك يحتقروك طب تحتقرنى ليه وانا مبحبش اخدع حد ولا اخدع نفسى ؟...

نفس الى بيحب وحده انا بابى وانا مامى كذا وفى الاخر تكتشف حقيقته وتحتقره هوه واهله طب وفيها ايه لو صارحتها من الاول ما لو بتحبك حقيقى مش هيهمها ابوك مين ولا امك مين

للاسف ده بقى حالنا الكدب والغش والخداع ثمات فينا

النقاش مفتوح لو حد عنده حاجه يقولها ...