بسم الله الرحمن الرحيم
الأخ العزيز الفاضل / mentos ... معلش إذا مش كنت أعرف أسمك الحقيقي وأنا برد على تعليقك الجميل بس أحب أقولك أنك من أشهر اللاعبين المصريين المحترمين اللي أنا بسمع عنهم كتير في السيرفير وكنت أتمنى أكتر من مرة أني أكلمك داخل اللعبة بس شاءت الظروف أكثر من مرة أننا مش نتقابل وأتمنى أنها تكون معرفة خير وده بالنسبة لأولاً
ثانياً : بالنسبة لعشيرة __pharaohs__ فهي بحمد الله وفضله لفل 4 دلوقتي مش 400% ولا حاجة لا سمح الله
والحمد لله برضوا الغالبية العظمى من لاعبي العشيرة دي active إلى حد كبير
خلاصة الموضوع عشان مش أطول عليك أنا أعرف أن العشيرة الخاصة بيك الحمد لله زي الفل ومية ومية كمان وفيها لاعبين محترفين وجامدين قوي كمان وأولهم kissmyweapon واحنا كنا اتكلمنا مع بعض من فترة بخصوص عمل أتحاد (union) ... بينا وبين بعض خصوصاً وأن الاتحاد الخاص بيكم نقدر نقول أنه بفضل الله اتحاد كويس بدرجة كبيرة مع جيلدات محترمة برضوا كنت اتمنى انها تكون مصرية خالصة بس معلش الظروف بقى
عموماً بالنسبة ليا أتمنى أني أنضم بجيلد __pharaohs__ معاكم في الاتحاد اهو على الأقل أكون حققت بكده نسبة الـ 65% من الحلم اللي بتمنى أنه يضم كل المصريين والعرب المحترفين والمحترفين فقط
في مواجهة الطاغوت التركي والألماني
المسيطر بصورة رهيبة على مقدرات السيرفير ومكتسباته ( المجلس الأعلى ) ههههههههههههه ..... وشرفي الأكبر هو معرفتك ومعرفة كل اللاعبين المحترمين اللي عندك وأتمنى أن الظروف تتهيئ ونتقابل قريباً من أجل الترتيب على ذلك.
ولك مني جزيل الشكر والحب والتقدير والاحترام
أخوكم : محمد ........... _hell_flame_