[ST0P_IM_T0P]

بكره تبكى !

العين بتدمع !
والقلب آه !!
ولا يمكن أنسى مين وراه !
طب مين وراه ؟!
أقرب قريب
كانلى حبيب
صاحبى يا عين !!
احساس غريب !
اللى تحسسه بالامان
تحكيله من قلبك كمان
ألقاه بيفشى كل سرى
لناس بترضالى الهوان



طب ليه كده ؟!
بعد امّا حصلت فرقه بيننا
ألقاك بتحكى لده و ده !!
وتبيعها ليه عشره سنين ؟!
بذياده دمع و آه يا عين !



ليه يا صاحبى ؟!
يللى فاكرك ........ كنت ضلّى !
ليه يا صاحبى ؟!
دانا كنت برتاحلك تملى !
كله قاللى ع الخيانه
كدّبت كله
ولاقيته بعد اليوم رمانا
يا قلبى قوللــه



موتى أهون يا ناسينى
يللى شاركته سنينى
لحظه واحده بعدت عنك
وف بحور النار رامينى



نظره صعبه !
والشماته فى عيونهم
لحظه صعبه !
لما اشوف كرهك ما بينهم !!
أيوه صعبه
لما تنسى فين مكاننا !
لما ترضى تكون مكانهم !!
فات آواننا !



فاكر زمان
أيوه زمان
ايام ما كنتلك الصديق
نفس المكان
هوه المكان
كان كل يوم .... قلبك فيه ضيق
تشكى وتبكى بكل مرّ
وانا اقولك احكى وليك بعيش
أحكى يا صاحبى ....... وايه يضر؟!
وطلعت فالسو.... متساويش !!



بكره تبكى
لما هتحس بغيابى !
بكره تبكى
تيجى تشكى ..... قفلت بابى !
بكره تبكى
والدموع حتسيل بحرقه !
لما تعرف كنت أيه بالنسبه ليه ؟!
كنت من أغلى صحابى
غدرت بيه !!!





بكره تبكى
تقول هنرجع
بالدموع هتروح مكاننا
بكره يقسى عليك زمننا
تفتكر لحظه وجودى
وبشوكك لميت ورودى !



تفتقد فرحه كلامنا
يللى أمنناه و خننا !!