شكرا ليكو يا رجالة و الاجابة هية
الموضوع بسيط جدا وهو انه بيلعب بالكلام
لما بيقولك يبقى كل واحد دفع 9 جنيه وده غلط طبعا
كل واحد فيهم دفع كام تقسم 25 على 3 وطبعا مش هتطلع
نتيجة معقولة المهم ما علينا يعني إن كل واحد فيهم دلوقتي دفع جزء من ال 25 جنيه دول
وبعد كده نيجي للخمسة جنيه اللي بيلهيكم بيها عن الموضوع الأصلي كل واحد منهم خد منها جنيه
والواد خد 2 جنيه يبقى 2 + 3 = 5 وكده يبقى 25 + 5 = 30
أو بطريقة تانيه زي ما هو عايز يقول ودنك منين يا جحا
كل واحد كده دفع 9 جنيه صح ماشي صح طب 9 * 3 = 27 جميل
من ضمن ال 27 دول ال 2 جنية اللي الواد ضربهم في جيبه لأنه لو كان رجعهم كان
هيبقى نصيب كل واحد فيهم اكبر من جنيه واحد صح ولا لأ وبكده يبقى احنا نحلق
لل 2 جنيه دول خالص لأننا عرفنا أنهم جوه ال 27 جنيه اللي نتجوا عندنا من حاصل
ضرب 9 * 3 جميل ناقص بقى إننا نجمع على ال 27 دول ال 3 جنيه اللي الواد رجعهم
للشباب الغلبانة اللي اضحك عليهم واللي اكيد مش هيشتروا من عند الراجل ده حاجة تاني
ويبقى لما نجمع 27 جنيه اللي فيهم ال 2 جنيه زي ما قولنا + ال 3 جنيه اللي خدوهم = 30
ومفيش لا لغز ولا شغلانة خلاص فضيناها
كل واحد يروح لحال سبيله شطبنا
او فيه حل اخر
هناك خداع في كتابة الفزورة
الحساب هنا يجب أن يأخذ إتجاه واحد فقط إما الخصم من 30 جنيه أو الجمع على 25 جنيه
و بذلك يكون:
30 جنيه مدفوعة - 3 مستردة - 2 للعامل = 25 جنيه
25 جنيه الثمن + 3 مستردة + 2 للعامل = 30 جنيه
فالمغالطة في خصم 3 جنية (مستردة) ثم إضافة 2 جنيه (للعامل) و بذلك يظهر العجز يساوي 1 جنيه