[naught_boy]

السلام عليــــكم ورحمة الله وبركاته

أولا : تحياتى للجميــــع
ثانيا : أنا سبت الجيم من سنتين بالظبط .... بس لسه بتابع الاخبار باستمــــرار ، وبنزل الجيم وبدخل فيها لو محتاج أظبط حاجة _ زى حوار دمج الاستوراج اللى حصل من فترة _ وطبعا بعد حوار الاسكيلز ده كنت مهتم أدخل أشوف أيه اللى حصل !!!


أنا كنت بلعب Bow/Fire/Force ...... طبعا البيلد ده خلاص مش هيبقى ليه وجود ، علشان ياتفتح فى ال Recovery ياتفتح فى ال Force

بس بصراحة الابديت ده معمول علشان الشخصيات الصينى مليون فى المية ..... علشان حاجات كتير طلبناها على مدار 4 أو 5 سنين .... وأخيـــرا فكروا يسمعوا للجمهور _ طبعا بعد للاسف لما كل اللى كان بيلعب زمان ساب الجيم _ و الحاجات اللى أتظبط :


1- البارتى الصينى .... بقت بتاخد 20% بونص زيادة فى ال EXP ... زى البارتى الاوروبى !

2- الاسكيلز الصينى .... بقى أى شخصية صينى يقدر يفتح كل الاسكيلات فى الفورس _ كولد / لايت / فاير _ وطبعا ده متعة رهيبة للاعبين الصينى !

3- الدامج أتاك Damage Att. زاد عند الصينى بطريقة ملحوظة + تقدروا تشوفوا القيم بتاعة السلاح الصينى هتلاقوا اختلاف واضح قدامكم _ والاوروبى تقريبا بردو زاد فى القيم الخاصة بالسلاح _ !

4- طبعا ال Bless Spell خلاص راحت ، كانت ميزة الويزارد الوحيدة _ وخصوصا الويزارد المظبط السيت بتاعه _ يضرب البليس و يقلب Staff with LIFE T ويقدر يقتل أى حد !! بس خلاص.


5- وأهم حاجة أنا عامل علشانها الموضوع ..... ال Holy Spell اللى صوتنا أتنبح زمان نطلب من الجيم يقلل قيم الحماية بتاعتها ضد ال Force بتاعتنا _ زى ال Debuffs بتاعة الويرلوك _ طبعا محدش كان بيعبرنا !! لدرجة أنى بطلت الاعب أى حد أوروبى بى فى بى ، علشان الفورس مش هتأثر فيه ، علشان الهولى اسبل كانت 100% حماية !!!!
بس بعد الابديت .... أخيــــــــــــــرا الجى أم سمع الكلام و قلل قيم الحماية للنــــــــــص :



أنا عامل الموضوع علشان فى ناس بترد على اللى بيسألوا هل يكملوا كليرك ولا لا !!! بيقولولهم أه كملوا كليرك ... مش مشكلة ال Bless تروح لما تمسك استاف ... بس كفاية ال Recovery Divi. + Holy Spell !!!! أنا بس حبيت أقولكم أن كمان الهولى اسبيل راحت قيمتها ، وتقدروا تتأكدوا لو رحتوا لوحش بتضرب أى Debuff عليكم زى ال Fears/Bleed/Weaken/Impotent الخ............. وهتلاقوا أن خلاص مفيش حماية من الهولى اسبيل زى زمان ، وأنا جربت ده امبارح و ضربت بالفورس بتاعة الصينى على اوروبى وفعلا لبس بعض ال Debuffs !!!!
فاللى عايـــــز يعمل كليــــرك .... يعمل بس يبقى عارف أيه اللى هيخسره وايه اللى هيستفيده


++ أنا زعلان بجد علشان البـــــــارد كمان قللوله سرعة الاسبيد Speed !!!! ديه رخمة جدا ، أنا صينى أهو و كمان لفل 111 ولما رفعت اللايت وصلت لسرعة 110 ههههههههههههههههه
مش بقولــــكم متعــــــــــة بجد لكل الصينى :) أخيرا الجى أم فاق من الغيبوبة

.................................................. ............................................

معلومتين جداد على الســــــــــريع :


1- تكلفة الاسكيلز Skills فى الصينى بقت أقل بشكل ملحوظ جدا من ناحية كمية السكيل البوينت Skill Points المطلوبة !!!!! أنا كان معايا 2 مليون اسكيل بوينت لما سبت الجيم !!! امبارح لما رجعت BOW/FORCE :COLD+LIGHT+FIRE ALL MAXED ...... أتبقى معايا 3 مليون اسكيل بوينت ^_^
** ممكن كمان يكون قلت بالنسبة للاوروبى ... بس أنا معرفش علشان معييش كاركتر أوروبى .


2- خبـــــــــــر حلو لكل اللى لسه بيعمل فارم فى التيمبل Farm in JOB Temple ..... لما دخل التميبل امبارح علشان اجرب شوية حاجات .... لقيت الوحوش بتضربنى ب 1 بـــــــــــــس !!!!!!!



مش عارف ده BUG مثلا !!! ولا لمدة معينة !!! ولا علطول !!!! بس بردو حاجة كويسة للى لسه بيعمل فارم :)


3- الصينى دلوقتى بقى يدى بفات الواريــــــــــر ^_^ مش بقولكم الصينى هيهييييييييص فى الابديت ده بشكل غريــــــــــــــــب :


.................................................. .....................................

كان نفـــــــــسى أكون لسه بلعب الجيم ، أكيد كنت هبقى مبســـــوط أأوى بس يلا خلى الناس اللى بتلعب بشخصيات صينى هى اللى تتبسط أحنا راحت علينا خـــــــــلاص :) بس لو فى يوم رجعت الجيم تانى ، أكيد نظرتى هتتغير بعد لما عملوا تحسينات كتير للصينى !!

** ومش عايز اللى بيلعبوا بأوروبى يزعلـــــــوا !!!! هى كده الدنيا يوم ليك ويوم عليك .... الاوروبى كان مسيطر على الجيم بطريقة رهيبة !!! لدرجة اللى كنت بلعب معاهم زمان صينيين ، أغلبهم عملوا كاركترز أوروبية !!!! بس بردو فى شخصيات أوروبية ليها فرصة جامدة جدا فى الظهور زى ال Warlock علشان حوار ال Holy Spell اللى قلت الحماية بتاعته للنــــــــــص ده !!!

تحيــــــــــــــاتى للجميع ...
**** صحيح : أنا مسحت الجيم تانى نزلتها امبارح دخلت ظبط كل الاكونتات و مسحتها بالليل كان نفسى بجد أكون لسه موجود فيها علشان أستمتع بالكاركتر بتاعى .... بس جايز أرجع فى يوم تانى وساعتها استمتع سلامــــى للجميع.