السلام عليكم جميعا
مطلوب مساعدة من الأعضاء اللي بيدخلوا القسم لعمل نشرة أسبوعية عن فورتريسوار ftw
بمعني
عاوزين نعمل موضوع جميل كل أسبوع عن الFTW و بالتالي هنحتاج على الأقل أربعة أعضاء عضو من كل جيلد و لو أكتر ما فيش مانع بس ما يزيدش عن عضوين من كل جيلد
المطلوب من العضو اللي هيدخل الفورتريس وار إنه يوم الجمعة هياخد كام صورة كده ليه سواء كان مهاجم أو كان مدافع
سواء في جانجان أو بانديت
الصور هتكون متنوعة و متاخدة بمزاج عالي علشان نعمل موضوع جميل أسبوعي
العضو هيجيب الصور و انا هعمل موضوع و هرفع الصور في الموضوع و طبعا اسم صاحب الصورة هيكون واضح فيها و بالتالي هيكون في الموضوع
طبعا
لازم تكون الصورة ما فيهاش ألفاظ خارجة (بذيئة) علشان مش هقدر أحطها
واحد يقولي طيب اعمل انت الموضوع و خلاص
هقوله مش هقدر لسببين :
الأول : أنا مش عاوز حد يعرف شخصيتي في الجيم علشان المعاملة تبقى واحدة و محدش يشعر بفرق المعاملة .
الثاني : أنا مش هقدر أجيب صور لبانديت و جانجان في نفس الوقت و مش هعرف أجيب صور لجيلد المهاجم و الجيلد المدافع .
الشخص اللي مستعد يشارك بإرسال صور يحط اسمه هنا و يقول أنا مستعد أبعتلك صور و أنا هحدد طريقة التواصل بينا.