[mohamed ana]

المشاركة الأصلية كتبت بواسطة Wally عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اولا الهارد التيرا مش هيعمل معاك حاجة لأن الهارد ده هو اللى بيتحط عليه الألعاب يعنى مش هيفيدك فى تزويد سرعة الجهاز او ما شابه.

و مينفعش تجيب كرت شاشة على بروسيسور ضعيف هيعمل حاجة اسمها " bottleneck " بالعربى يعنى هيبقى محبوس و مش هيديك الأداء الكامل علشان معظم الألعاب بتطلب ان البروسيسور و كرت الشاشة يكونوا كويسين مع بعض و هما الأتنين متوافقين فى القوة او قريبين. فمينفعش تجيب كرت شاشة قوى او اعلى من بروسيسور علشان انت كده مش هتستفيد جامد و اداء جهازك مع الألعاب مش هيرتفع الأرتفاع الملحوظ .

و مينفعش تغير البروسيسور علشان بتغييرك للبروسيسور هتطر تغير الـ motherboard علشان تكون متوافقة مع البروسيسور الجديد و تستحمله . لو تقدر تجيب جهاز جديد قولى الميزانية و انا هحاول اديك المكونات

شكرا لردك :)

بس انا للاسف الميزانيه ضاربه عندى خالص يعنى مقدرش اجيب فلوس دلوقتى
و كمان الاستفار ده انا عاملوا علشان اول ما امسك فلوس اروح احدث الجيهاز بس انا عمرى ما فكرت انى اغير الجيهاز خالص
ف هل فى كارت شاشه يتوافق مع امكانيات جيهازى مع العلم انى هزود الرماات 2 جيجا عاادى...

المشاركة الأصلية كتبت بواسطة 3ashek El7ozn عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بالنسبة للى قاللك الهارد ده قصده المساحة مش اكتر
اما بالسنبة لكروت الشاشة معظم الناس بتفتكر ان كارت الشاشة بيتقدر بالذاكرة بتاعته , كارت 1 جيجا ولا 2 جيجا !!
وتسمع اسعار غريبة للكروت دى مع ان فى بالفعل كروت 512 وتعمل بكفائة الـ 1 جيجا !!
ممكن تسمع عن كارت شاشة 1 جيجا تمنه 2000 جنيه
سيبك من الكلام التافه ده وركز معايا احسنلك
فى كذا حاجة مهمة والبائعين مش بيبصولها كتير , كل همه انه يبيع وخلاص
على اساس ان كل الناس فاهمة ان كارت الشاشة كل ما يكون ذاكرته عالية كل ما يكون احسن !!
هنشوف مع بعض ايه الحاجات المهمة اللى بتحدد كفائة كارت الشاشة
Memory Clock , Core Clock , Memory interface , AGP OR PCI Express , Open GL Model , Shader Model , Direct X Model
والمشكلة الاكبر ان الشركات بردو عايزين يبيعوا فـ مش بيكتبوا المعلومات دى على علبة الكارت !!
ولا اللى بيبيع بيقولها حتى لو فاهمها
ولو صادفت شركة محترمة زى Nvidia Geforce ممكن تلاقيها كاتبة على علبة الكارت Direct x بس .
مش معنى انى قولتلك شركة محترمة يعنى انا اشترى من النوع ده انا بديك مجرد مثال .

طيب السؤال هنا طالما المعلومات دى مش مكتوبة ع العلبة اعرفها منين !!
هقولك يا سيدى دلوقتى انت اختارت تشترى كارت معين وليكن Nvidia Geforce 7200 GS
هتدخل على الموقع بتاع Nvidia وتشوف الحاجات اللى كتبتهالك دى ...
نروح لنقطة تانية وهى فئات كروت الشاشة ,
بتتقسم لـ 3 حاجات >>>
Low End ودى الـ Memory Interface بتاعها 64 Bit ومانصحكش بيها ..
Mid Range ودى الـ Memory Interface بتاعها 128 Bit وكويسة بالنسبة للالعاب الخفيفة زى ميدل اوف هونور و نيد فور سبيد ...
High End ودى الـ Memory Interface بتاعها 256 Bit ودى ممتازة وتشغلك الجن ابن العفريت بس غالية حبتين ..
هديك مثال على كارت Nvidia ولنفرض انه Nvidia Geforce 7200 GS
سيبك من اسم الشركة المصنعة للكارت وهى Nvidia Geforce بص للى بعديها ..
الكروت اللى بينتهى اسمها من 100 الى 500 كروت من الفئة Low End هنبص للموديل اللى حطناه مثال هنلاقيه 200 يعنى مالهوش عازة .
الكروت اللى بينتهى اسمها بـ 600 او 700 كروت من الفئة Mid Range مثال عليه Nvidia Geforce 8600 GTS وده كويس للاستخدام المتوسط .
الكروت اللى بينتهى اسمها بـ 800 وانت طالع من الفئة High End ومثال عليه Nvidia Geforce 8800 Ultra وده ممتاز ..

نيجى للحروف اللى بعد الرقم معلش انا عارف انى زهقتك ..

LE كروت ضعيفة .
GS كروت ضعيفة بس ادائها احسن من LE .
GT كروت احسن من LE بشوية .
GTS كروت ممتازة ومنها نوعين فى السوق 8600 GTS و 8800 GTS .
GTX اعلى كفائة من ما سبق .
Ultra كروت فوق الممتازة .
X2 كروت فوق الممتازة ودى جواها حاجةاسمها GPU ثنائى النواه .
نروح لحاجة تانية وهى الـ Over Clock ودى حاجة ممكن تشوفها على النت وهى بتخلى الكارت يعمل بكفائة اكبر من الكفائة اللى محدداه ليه الشركة ومانصحكش بيها علشان بتسخن الكارت زيادة عن اللازم وممكن يتحرق .
اما بالنسبة لـ Direct x
على حد علمى ان معظم الالعاب حاليا بتشتغل بكفائة كويسة مع دايركت اكس 10 .
ازاى تعرف ان الكارت بتاعك بيدعم DX 10 او لا
هقولك يا سيدى لو كارت الشاشة رقمه 8000 فيما فوق يبقى بيدعم البرنامج على انه يشتغل بدون مشاكل ولا تعارض مع مكونات الجهاز والبرمجيات .
اما لو اقل فـ بلاش علما بان DX 10 بيشتغل على انظمة تشغيل من اول الـ Vista فيما فوق واقل من كدة لا .
بالنسبة لكروت الـ ATI
لو لاقيت بعد اسم الكارت كلمة HD يبقى بيدعم DX 10 لو لا يبقى مش بيدعمه .
مع العلم ان كروت الشاشة بيتم تقييمها من حيث جودة الصورة Image Quality و الأداء Performance .
وكدة اكون خلصت من كروت الشاشة
نيجى للرامات
وبيتم اختيار الرامات على اساس
التردد
وتعنى عدد النبضات التي تنبض بها الذاكرة خلال ثانية واحدة وكلما زاد التردد كلما زادت كمية المعلومات التي يمكن للذاكرة نفسها ان تقوم بنقلها .
سعة الرام
ودى بتعتمد على حسب شغلك انت اذا كنت بتشغل حاجات الجرافيك بتاعها عالى مع ويندوز 64 بت يبقى مش اقل من 4 جيجا رامات
ولو اقل من 4 يبقى بلاش 64 بت هيتعبك وهتكره الجهاز وتكرهنى شخصيا .


+ اللى كتبهولك Wally

بجد اضافة مميزة من شخص رائع تسلم ايدك

والله والله والله مش عارف اقولك ايه :)

انت بجد زوتنى معلوماتى لاقصى درجه و انا تعبتك اوى و خيتك تكتب كتيير بجد تسلم

انت كده فهمتنى ايه حوار كروت الشاشه و ازاى اختارها

انا طبعا مكنتش افهم ف حاجه فاروحت لمحل صيانه كمبوتر و سألتوا انى عاوز ازود امكانيات الجيهاز علشان يشغل اللعاب حديثه

قالى هتزود بس كارت الشاشه !! قولتلوا و الرامات ؟ قالى مش لازم

المهم قولتلوا طب عامله كام كارت الشاشه اللى تشغل كلوا دى قالى عامله 300ج فاانا الصراحه اتفاجئت

فاعملت سيرش ع النت لاقيت تلت تربع كروت الشاشه اللى بالسعر دى ادئها قليل جدا و ده يدل ان الراجل بيفتى زى مانت قولت

ف اول كلامك

المهم انا مواصفات جيهازى اللى ف الصوره دى انا جايبها بقالى اكتر من سنه و ب1700ج كيسه بس !!

فااضروفى الماليه عمرها ما تقضى انى ابيها و اكيد دلوقت مش هتجيبلى سعر كويس و ازود عليها !

عشان كده انا مش حاطط ف دماغى خالص انى اغير الجيهاز للاسف بسبب ظروفى

المهم انا عملت بحث على كروت الشاشه و لاقيت الكروت دى بأسعارها

XFX GTX280 1GB DDR3 السعر 2250 جنية
XFX GTX260 896MB DDR3 السعر 1550 جنية
XFX 9800GTX+ 512MB DDR3 السعر 1075 جنية
XFX 9800GT 512MB DDR3 السعر 950 جنية
XFX 8600GT 1GB السعر 720 جنية
XFX 8500GT 512MB السعر 350 جنية
GIGABYTE GTX280 1GB DDR2 السعر 2050 جنية
GIGABYTE 9800GT 1GB DDR3 / ZALMAN COOLER السعر 1080 جنية
GIGABYTE 9600GT 512MB DDR3 / ZALMAN COOLER السعر 700 جنية
GIGABYTE 9500GT Overclock 1GB DDR2 السعر 690 جنيه
GIGABYTE 9500GT Overclock 512MB DDR2 السعر 390 جنيه
GIGABYTE 9400GT Overclock 1GB DDR2 السعر 390 جنيه
GIGABYTE 9400GT Overclock 512mB DDR2 السعر 290 جنيه

______________

SAPPHIRE R7 240 1GB GDDR5 WITH BOOST السعر 640 جنيه

SAPPHIRE HD 7750 1GB GDDR5 السعر 750 جنيه

SAPPHIRE R7 250 1GB GDDR5 WITH BOOST السعر 770 جنيه

SAPPHIRE HD 6770 1GB GDDR5 from High End السعر 650 جنيه



فاانت ايه رأيك انهى واحد يتوافق مع امكانيات جيهازى او لو عندك نوع انت شايفوا انوا يتوافق ياريت تقولى عليه

و ف نفس الوقت بيشغلى الالعاب اللى انا عاوزها لان حضرتك وضحتلى ازاى اختار الكروت و ازاى اعرف كفائتها

بس حضرتك موضحتش ازاى اعرف ان الكارت ده بيتوافق مع امكانيات جيهازى

معلش انا تاعبك ماعايا

و شكرا