22-04-2015, 03:30 AM
|
#1
|
|
• الانـتـسـاب » Mar 2009
|
• رقـم العـضـويـة » 58256
|
• المشـــاركـات » 1,646
|
• الـدولـة » North Sinai
|
• الـهـوايـة » Writing code, Swimming, Flying
|
• اسـم الـسـيـرفـر » No Server
|
• الـجـنـس » Male
|
• نقـاط التقييم » 103
|
|
|
كيفيه عمل اتصال بقاعده بيانات MySql بلغه C#
هنتكلم النهارده عن كيفيه عمل اتصال بين MySql database و برنامج معمول ب c#
ف الجزء ده هنتكلم عن الموضوع ب صوره عامه مع جزء عملى خفيف و قدام هيكون فى تطبيقات اكتر ان شاء الله
الحجات الى هتحتاجها علشان تشتغل مع MySql اهما سيرفر لل database و افضلهم و الى انا برشحهولكو بقوه عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] حاجه ماشاء الله يعنى :D
هنحمل WAMP و هنسطبه عادى و هنشغله و هيظهر جنب الساعه كده
لو كان لونه احمر او اصفر هندوس عليه كليك يمين و ندوس start all services
كده السيرفر شغال,, هتفتح البراوزر بتاعك و تكتب ف ال adress localhost هيفتحلك الصفحه دى
هتختار الكلمه الى متعلم عليها phpmyadmin
هيفتحلك الصفحه دى
اعمل زى م انا عامل ف الصوره
1-افتح تاب mysql
2-اختار new
3-اكتب بيانات الtable بتاعتك و بعدين دوس save
كده انتا عملت table اسمه الاسم الى انتا اختارته ف الdatabase الاساسيه الى بتنزل مع البرنامج الي اسمها mysql
لو عايز تعمل database جديده غير بتاعه البرنامج هتلاقى فى تاب new اول م تفتح phpmyadmin دوس عليها و اكتب اسم الdatabase و دوس save هتلاقيها اتضافت تحت mysql اختارها و اعمل table جديد و columns زى م علمنا فوق عادى
الdatabase الى هنشتغل عليها النهارده اسمها هيا mysql بتاعة البرنامج و ال table اسمه silkroad4arab و ال columns ك التالى
اول واحد اسمه id و ال type بتاعه int و ال length 1
تانى واحد اسمه name و ال type بتاعه text و ال length مش مطلوب
لو عايز تغير انتا عادى
الى هنعمله دلوقتى برنامج بسيط بيشرح الاساسيات و كيفيه الاتصال ب الdatabase و اضافهrowفيها
هنتكلم عن التعديل و الحذف و العرض ف فيديو بس كمان كام يوم كده لما اهلى يسافرو علشان اخد راحتى :'D
دلوقتى الdatabase جاهزه,, روح للvisual studio و اعمل بروجيكت جديد ب اى اسم و امشى معايا
هتعمل import لل namespace ألى هنشتغل بيه الى هوا MySql.Data.MySqlClient
لو ملقيتهوش اعمله add ك reference و لو ملقيتهوش ف ال references نزل الlibrary دى و اعملها setup و restart لل visual studio هتلاقىها ف أل references اعملها add و بعد كده import
ده كود البرنامج و متقسم blocks علشان سهوله الشرح
كود PHP:
using System; using System.Collections.Generic; using System.Linq; using System.Text; /*1*/using MySql.Data.MySqlClient; namespace S4A_MySql_Tut_By_iMido { class Program { static void Main(string[] args)
{ /*2*/ int id = 1; string name = "mohamed el-sayed"; /**/
/*3*/string constring = "datasource=localhost;port=3306;username=root;password="; /*4*/ MySqlConnection con = new MySqlConnection(constring);
/*4*/ con.Open(); /*6*/ MySqlCommand cmd = new MySqlCommand("Insert into mysql.silkroad4arab (id,name) values ('"+id.ToString()+"','"+name+"')",con); /*7*/ cmd.ExecuteNonQuery(); } } }
شرح الكود
1:
ده سطره الimport الى اتكلمنا عنه فوق, مهم جدا اوعو تنسوه
2:
variables عاديه فيها القيم الى هنحطها ف الdatabase
ممكن تمسحم و تحط القيم دايركت ف الكويرى و ممكن تمسح قيمهم و تخلى اليوز هوا الى يدخلها عادى
3:
ده جزء مهم جدا
دى ال connection string الى البرنامج بيحتاجها علشان يتصل بالdatabase
القيم الى ف الconnection string الى انا كاتبها فوق دى هيا الى كلنا هنستخدمها لاننا شغالين على نفس السيرفر حتى لو السيرفر اخلف معتقدش انها هتختلف اختلاف كبير او ممكن متختلفش اصلا عادى
4:
ده الاوبجكت الى بيتصل بالdatabase بتاعتنا
5:
كود بدأ الاتصال, مهم علشان نبدأ نعمل execute لل query الى احنا عايزينها
6:
هيا دى الquery و دى الى فيها الشغل كله
ده ببساطه الجزء المسئول عن عمل اى حاجه ف الdatabase و ده لى طريقه كتابه معينه ل كل امر insert,update,select,delete و هنتكلم عنهم كلهم بعدين
لو انتا غيرت الdatabase او الtable name او الاتنين هتحتاج تغيرهم ف الquery كمان,, موجودين insert into اهم, شايفهم ؟ :D
7:
تنفيذ الquery, لو في حاجه غلط فى syntax ال query هتبان ف السطر ده
8:
اغلاق الconnection بعد تنفيذ الquery
شغل البرنامج, كله تمام ؟ سيبه يتقفل لوحده عادى مش محتاجينه ف حاجه,, افتح الdatabasd و شوف ال table الى انتا عامله هتلاقى البيانات اتضافت فيه زى الى ف الصوره
كده الموضوع خلص بس هنتكلم عنه تانى ب استفاضه اكتر ف فيديوز زى م قلنا علشان الكتابه متعبه و مبتوصلش المعلومه كامله
اسلوبى ف الشرح مش حلو مختلفناش بس اى استفسار سيبه ف الموضوع و هرد عليه ان شاء الله
سلام
|
|
التعديل الأخير تم بواسطة iMido ; 22-04-2015 الساعة 03:36 AM
|