انا عن نفسى شغال فى سيبر وكنت فى يوم واليوم الوحيد تقريبا اللى نزلت فيه السيبر فى غير وئتى جالتلى حبيبتى وخطيبتى حاليا وكان عندها امتحان بعد الوئت اللى جت فيه ده بربع ساعه وكانت عايزة شغل يتعمل على برنامج الورد حوالى 9 ورقات راح العبد لله جايب 3 قهوة جنبه من قهوة عم عرفة اللى جنب السيبر وعلببه ملبورو عشان المنظر اودامها برده وكتبت ال 9 ورقات دول فى 5 دقايق ونسقتهم وظبطهم
بس بعد ماكتبت وخلت المفروض انها تقولى شكرا على تعبك معايا
ردت رد غريب قالتلى انا زعلانه انى خليتك تشرب سجاير كتير بسببى وده غلط على صحتك
الرد ده خلانى ملخوم مش عارف ارد على كلامها بعديها بيومين جتلى السيبر وقالتى انها خدت امتياز فى البحث ده وكان معاها ولدتها وشكرتنى ولدتها على البحث ده بس مكانش شكر واحده غريبه حسيت كأنها امى وده طبعا احساس غريب وماحصلش معايا قبل كده بعد ماشمو اعدت افكر فى الموضوع و كنت بتمنى اشوفها مرة واتنين وتلاتة مش عارف ليه اعدت حوالى اسبوع ماشوفتهاش وكنت بدور عليها بشمعة خصوصا انها ليها نظام وستايل غير البنات اللى بتيجى السيبر وكاستيل بنت فى كلية وكده
المهم جت اول ماشوفتها اولتها انا عايز اتقدملك ووالله ماعرف اولت كده ازاى والحمد لله روحت لاهلها واتقدمت وطلعو ناس طيبين اوى والحمد لله طلعت اكتر واحده فهمانى وفاهمة شغلى وفاهمة انا عايز ايه حتى اهلها عايزنى ابقى احسن والحمد لله اودامى سنتين واخد تأبيدة الجواز وادبس
بس بعد الحوار ده عندى نصيحة لكل شاب
نصيحة اوعى تدبس وتخطب ولا تحب :d
ولا هاتعرف تجيب سيلكات ولا تشحن جولد ولا حاجه :d
كله هايروح على المواسم والخروج