أخي محمد
الوحدة شئ قاسي فعلا
بس تعرف....ممكن تكون حوليك ناس بس انت حزين لسبب معين زي ما انت قلت كدا بنت ومش لاقي حد تفضفضله دا الي ممكن يشعرف بالوحدة
وعلي فكره متعتمدش علي اصحاب النت حاول يبقي ليك اصحاب في الحقيقة أكتر وكمان يمكن عشان مش لاقي صاحب يفهمك بطريقتك لأنك وسط سعوديين لهم طرق غير المصريين يمكن تكون حاسس بالغربة بس صدقني وأنا أكبر منك وجربت الي انت فيه دا
الدنيا جميلة لما يكون لها هدف جميل أنت ليك أصحاب علي النت أوك بس متخليش حياتك كلها نت لأن دا هيعزلك أكتر ويتعبك أكتر وأنت قلت أنك مش منتظم في الصلاه أنت لسا صغير وصدقني لازم تقرب من ربنا والله مافيش احسن ولا اجمل من سعادة الإيمان صدقني وأنا في سنك كنت بخلص القرآن مرة كل 5 شهور والصلاة في المسجد كانت أسعد أيام حياتي ونفسي أرجعلها تاني
أما بالنسبه لحكاية البنات أنت لسا صغير وكل الحب الي أنت بتقول عليه دا ممكن يكون لعب عيال بالنسبالها وحتي لو مكنش كدا اوعي تخلي أي بنت تهزك أسألني أنا البنات عندي خارج حساباتي خالص يعني ولا كأنهم موجودين وهتلاقيهم بيتحدفوا عليك زي الرز
وأما عن الأصحاب أنا تحت أمرك وبس أنت تشاور وأنا أنفذ
هبقا اضيف اميلك الي أنت كاتبه في التوقيع و.....
ربنا يهديك ويسعدك