[OnlyHer]

طبعا وجب .. قبل الكلام سلام .. و قد كان ..


من كام يوم كنت ماشى فى الشارع فى أمان الله - زى ما أى مواطن فى حاله بيمشى - و بعدين انشغل تفكيرى بأشكال البنات فى الشارع ..
و بعد تفكير دام فترة لا بأس بها قلت أِرائكم معايا فى التفكير ده و اهو تفيدونى بآرائكم ..



طبعا المأساه اللى بتكلم عنها دى مظهرتش بين يوم و ليله و انما هى وليدة العديد و العديد من المواقف اللى بتمر بيها البنت فى مراحل نموها و تكوينها ..
و من رأيى ان من المواقف دى مثلا .. احتكاكها بالصبيان فى المدرسه و زاد و غطى على الكلام ده الدش بحريمه:D ..
و كمل عليه النت و الشات و ما أدراك ما الشات و بلاوى الشات ..
المهم انى بجد ابتديت الاحظ الظاهره دى اللى بتتفشى بشكل قبيح جدا الصراحه:eek: ..



بص يا سيدى البنت المصريه دلوقتى بقت بكل بساطه بتنموا فى مرحلتين ..
1- الطفوله و قول دى لحد 8 او 9 سنين
2- دى بقى المراهقه اللى بتمتد من بعد الطفوله لحد سن الخمسين أو لحد ما بتبدى آثار الهرم تسيطر على الأنثى جواها !! و انا و انت اعرفين ان الستات بجد دماغهم تعبانه اليومين دول ..
يعنى حاجه و الله فى منتهى العجب اللى فى الدنيا ..
تحس ان فى فتره كده زمنيه مفقوده فى الوسط يعنى من طفله لآنسه كبيره و حلوة و اسم النبى حارسها و صاينها حاجه كده تفرح ..
ممكن بقى يا اساتذه يا كرام حد يفهمنى ..



البنوته المصريه الخفيفه اللذيذه دى راحت فين و أيه أهم أسباب أختفائها!!!