[OnlyHer]

بسم الله الرحمن الرحيم ..
يا شباب انا فى موضوع شاغلنى بقاله حوالى سنه و يمكن اكتر بشوية ..

الموضوع انى بكل بساطه فى تالته ثانوى بس فى محل ملك والدى مفقول و مش بيستخدمه و انا اتفقت معاه انى ان شاء الله هشغله أى حاجه بعد لما أخلص الثانوية العامه .. و هو رحب جدا جدا بالفكره
المكان موجود فى السنتر اللى فى الهرم اللى فى العريش .. المكان موجود فيه كم هائل من نحلات ال playstation و السايبرات و هو فى دور علوى ( الدور الأول ) المنطقه موجود فيها محل بلياردو و مطاعم و محل بقاله ..

ممكن بقى يا شباب تساعدونى بالأفكار الجميله و تقولولى المكان ده ممكن يتعمل فيه ايه ..
مع العلم ان مساحته تكفى أى مشروع من المشاريع دى
و يا شباب ربنا يخليكوا محدش يقولى التفت لدراستك عشان انا اصلا هكون خلصت ثانوية عامه ده غير انى بإذن الله هحاول أشتغل أى شغلانه تانيه و انا فى كليتى .. ربنا يكرمنى يعنى
فياريت اللى عنده فكره يقولها و اللى معندوش يسألى ربنا انه يوفقنى ^^
معلش ممكن ابقى رزل بس هو ده عشم الأخوات