اقتباس:
|
الحصارين الاسرائيلي والعربي،
|
الحصار إسرائيلى بس مش عربى
اقتباس:
|
ومع ذلك يدير العرب وجوههم الى الناحية الاخرى، لا يريدون ان يسمعوا، وبالتالي ان يتحركوا،
|
حضرتك و المساعدات القطرية و الليبية و المصرية و التركية بيعملو ايه ؟
الاسرائيلين ((((بيقصفوا الا نفاق و قافلين المعبر من عندهم )))))
المعبر خاضع لاتفاقيات حدودية بين مصر و إسرائيل ((على اساس انها قوة أحتلال ))) مينفعش حاجة تخش او تعدى من المعبر الا بموافقة الطرفين
اقتباس:
|
ولن يتحرك أيضاً خادم الحرمين الشريفين وحكومته لكي يصرخ في وجه الرئيس جورج بوش،
|
لو راح عمل ايه قدامه بوش مش هيتحرك :(
اقتباس:
|
ولن يتحرك الرئيس المصري حسني مبارك الذي يشارك الاسرائيليين في إحكام الحصار على قطاع غزة بإغلاق معبر رفح، وتفجير أنفاق الكرامة
|
قلنا المعبر مقفول من عندهم
نعم فهى تتاجر بالدم الفلسطينى عشان خاطر السادة الايرانين فدخلت نفسها وقطاع غزة فى حرب هى أصلا مش ادها و كان الضحية هو الشعب الفلسطينى البرئ
اقتباس:
تقوم بفتح باب الجهاد !! إذن ماذا ننتظر نحن ياعرب ؟؟ بجد مستنين إيه يعني أكتر من كده انا مش عارف ..
|
وحضرتك فاكر نفسك هتمسك سيف و تروح تحارب إسرائيل مشكلتك ان فاكر الحرب دى لعبة هتمسك بندقية و هما هيحطوا الاسرائيلين قدامك طابور وانت تقعد تموتهم :)!!!
اقتباس:
|
و إتكلمنا عن مصر .. قادرة إنها تحارب العالم كله بدون إثتثناء
|
كلام جميل اوى مصر تحارب العالم كله بلا استثناء ده على اساس ان مصر دولة عظمى
و حاجة تانية انا مش فاهم ليه كل حاجة مصر مصر ليه مصر ليه منقولش سوريا مثلا ولا الدول العربية و لا الا خ حسن نصر الله الى هيج أسرائيل على لبنان و مات بسبه 2000 واحد عربى واتدمرت البنية التحتية للبنان و فضل هوا مستخبى ويقول انا انتصرت !!!!
مصر اتطحنت فى اربع حروب و خسرنا كتير و الاقتصاد اتدمر و بقى المواطن المصرى بيسيب بلده ويسافر للدول العربية عشان يعاملوه زى العبيد
اقتباس:
|
ولو إتكلمنا عن الدول الغير مسلمة زي .. بنزويلة هاقولك إنهم قررو طرد السفير الاسرائيلية بسبب إلي بيتعمل فى غزة ..
|
اولا اسمها فنزويلا
ثانيا هى طردت السفير الاسرائيلى ميش عشان هى صديقة فلسطين لا ده عشان منطق عدو عدوى هو صديقى هى بس بتحاول تستفز امريكا
اقتباس:
|
لو قلنا مفيش اسلحة فى حاجة إسمها قناة السويس لو قفلت القناة مفيش بترول هايخوش إسرائيل ولا امريكا وبكده مش هايبقى فى بنزين يبقى مفيش طيران ولا دبابات إسرائيلية هاتقدر تحارب غزة وبكده ينتصر فريق القسام أو فريق حماس على الصهاينة ..
|
ده اقتراح عبقرى احييك عليه بس هما عندهم مخزون استراتيجى من الوقود و كمان ممكن يعتمدوا على الطاقة النووية اللى عندهم و انا عايز اقولك على حاجة لو عملوا علين حظر فا حنا كلنا حنضيع فى الهوا سوا
يا جماعة دى اسرائيل يعنى دولة نووية عظمى امريكا والغرب كله واقف وراها يعنى لازم نفكر كويس اوى قبل منخش معاها فى مغامرات مش محسوبة مش نروح نضرب عليه ((ألعاب نارية)) فى الاخر مش بتيجى فى حد غير عرب 48 و النتيجة انها بتاخودها حجة لقتل الشعب الفلسطينى
انا كل اللى عايز اعرفوا اللى عملتوا حماس ده من ان هى اغتصبت السلطة فى قطاع غزة و قاعدت تقتل الفلسطينين فى حركة فتح و اخيرا ضرب الصواريخ كان لزمتوا ايه ؟؟؟؟
يعنى ولا هما حرروا الارض ولا هما دافعوا عن الشعب الفلسطينى !!!