معلش ياشباب لازم الواحد لما يجي يناقش يشوف الأول بيناقش مين والراجل الاخ السعودي صراحه كل كلامه في ادب واخلاق وماغلطتش في حد هوه انسرق واللي سرقو واحد مصري ودا واحد من كتير اوي فعلن من المصريين السكامرز في الجيم ولازم نعترف بالحاجه دي ولو اي حد مش عاجبه الكلام براحتو بس هي دي الحقيقة والمشكله انو لما نقول انو في سكامرز مصريين يجي ناس يزعلو ويقولو ياخي هوه بس السكامرز من مصر في من تركيا والمانيا وامريكيا وكل العالم بس ياحبيبي معلش احنا مالناش فيهم دول احنا لينا في بلدنا واللي بنتكلم عليه يهمنا انه مايكونش نسبه كبيره من المصريين سكامرز علشان دول واجهة مصر والعالم العربي والاسلامي كلو فلازم نقضي عليهم بصراحه ونفضل نتكلم عنهم .. ويجي واحد تاني يقولك بس في ناس مصريين محترمه كتير ونرد عليه ونقولو اكيد علشان هما المحترمين الكتير دول صحابنا في الجيم وبرا الجيم كمان بس احنا مش بنتكلم عنهم الا بالخير بس بنتكلم عن المصريين السكامرز ماشي يااحبائي المصريين السكامرز وانا بتحدى اي حد في الجيم له اصحاب مصريين مايكونش فيهم وهوه عارف ولو واحد سكامر صح والا لأ ... لازم نعترف بالموضوع دا علشان نواجه الحقيقة لأنه عيب وحرام ويكفي كسوفا انو يجي واحد من اي بلد مسلم ويقولنا انه هوه اتسرق ومن مصري.... ياريت مانتهمش الراجل دا ويكون حوارنا عن السكامرز المصريين وبلاش عواطف خلينا واقعيين اولا