1_ لو طلع لك عفريت في يوم هاتعمل ايه؟
اشوفه عايز ايه ، ولو ناوى على شر ، يبقا نستعيذ بالله
2_ لو حسيت ان في عفريت موجود في المكان اللى انت فيه هاتعمل ايه؟
استعيذ بالله
3_ لو حد قالك انك ملبوس هاتتصرف ازاي؟
اقوله منكم نستفيد
4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟
ولا كأن حصل حاجة
5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟
ممكن اتخض بس ولا صويت ولا اى حاجة من دى ، وهاكمل طريقى عادى
6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟
هابص مين
7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟
هاخرج البلكونه
8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟
اقرا شوية قرءان و استعيذ بالله وانام
9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟
الله يرحمه
10_ اشتريت عربيه وطلع ان واحد كان مقتول فيها؟
بردو الله يرحمه
11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟
اعرضها اونلاين
12_ قالولك ان البيت ده مسكون تعالا ندخله هاتدخل ولا لا؟
وماله ، بس بلاش احسن ، عشان منستفزش كائن ما ^^
13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟
اصحى من النوم
14_ احكي لنا عن موقف مع العفارين حصل لك وعمرك ماتنساه؟
محصليش الشرف
15_ شفت حد ملبوس قبل كده؟
بردو محصليش الشرف
16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟
اكيد اقدر
17_ تقدر تروح بيت مسكون وتقعد فيه لوحدك يوم كامل؟
وماله ، اهى مغامرة
18_ سمعت قبل كده اصوات خوفتك ؟ امتي ؟ وفين؟
ابدا ، لكل شئ منطق وسبب ، سواء مادى او روحى ، وفى الحالتين مش مهم ، وليها حل
19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
عادى جدا
20_ تقدر تروح الاماكن دي بالليل لوحدك ومن غير اى وسيله اتصال بالناس :_
1_ المقابر
عادى
2_ جبل في منطقة بعيده
تقريبا اسبوعيا
3_ تبقي في مركب في عرض البحر
عادى
21_ انت خواف بنسبه كام في الميه؟
10%
22_ ايه رايك في الصوره دي
جرافيك جبار
دي اخر صوره تم التقاطها في19 ديسمبر سنة 2003 في قصر هامبوتن المسكون ؟
23_ ايه اكتر فيلم رعب بتحبه؟
مش بتفرج على افلام رعب اساسا
وبكده تكون الاسئله خلاصت والبقى عليك (( الاجابه يعنى ))
كان عندى تعليق بس ، انتا متأكد ان الارواح بتبقا ساكنة البيوت ، ازاى ,انتا مش مسلم ، يعنى عارف انو فى عالم البرزخ فيه الارواح كلها ومحدش بيخرج منو الا باذن من ربه ، يعنى حوارات مسكونة دى فشنك واى كلام