[thehunterman]

قول في المواقف الجايه دي هاتتصرف ازاي ..



1_ لو طلع لك عفريت في يوم هاتعمل ايه؟

حسلم عليه و اقوله اتشرفنا و اعود اتفرج عليه
اصل اول مرة اشوف واحد:D

2_ لو حسيت ان في عفريت موجود في المكان اللى انت فيه هاتعمل ايه؟

لو حسيت حعود ابوس حواليا و اعود اقلق مع انى مش خايف بس ما بحبش يبقا فى حاجة موجودة و انا مش عارف ايه هيا

3_ لو حد قالك انك ملبوس هاتتصرف ازاي؟

هاقوله و انتا عرفت منين

4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟

حاطلع الموبايل و اسمع اغنية كأيبة علشان العزا

5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟

انا هتاخد من المفاجأء بعدين عادى

6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟

انا اصلاً اعد فى البلكونة و ما بينى و ما بين اى حد فى الشقة مسافة شقة و نص (اصل احنا فاتحين شقتين) و كله نايم يعنى لو حد طلعلى ممكن يحصل حاجة غلط

7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟

انا متعود اعد لوحدى و لو النور قدع و الدنيا ليل فى الشتا حنزل تحت البطانية اتدفا
و انا اصلاً بحب الكلاب ما بخافش منها

8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟

حالعب كوتشينة مع العفاريت و الخسران يمشى

9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟

حاتشهد على روحه

10_ اشتريت عربيه وطلع ان واحد كان مقتول فيها؟

حاجيب معطر علشان الريحة

11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟

حاعود اتفرج على الصورة و افرجها لكل الناس و انشرها و اطلع فى الجورنال
عنوان الصفحة الاولى : الواد العبيط الى فاكر نفسه لقا عفريت

12_ قالولك ان البيت ده مسكون تعالا ندخله هاتدخل ولا لا؟

طبعاً حادخل هوا حد لاقى يا عم

13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟

حاكلم الموزة و اقولها تشوف حد غيرى لأنى روحت فى بلوش

14_ احكي لنا عن موقف مع العفارين حصل لك وعمرك ماتنساه؟

مافيش

15_ شفت حد ملبوس قبل كده؟

لأ بس شفت ناس كتيرة لابسة (لابسة هدوم;))

16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟

يا عمى انا شفت مناظر اوحش بكتير

17_ تقدر تروح بيت مسكون وتقعد فيه لوحدك يوم كامل؟

يا ابنى احنا فى عصر التكنولوجيا دلوقتى مافيش حاجة اسمها لواحدك
انا حاروح البيت المسكون و اخد معايا دفاية و لابتوب و الموبايل و الmp5 و سماعات ستيريو و بوتجاز صغير و احلى كلام ^__^

18_ سمعت قبل كده اصوات خوفتك ؟ امتي ؟ وفين؟

اه سمعت جرس الباب بيرن و انا نايم قمت صاحى فجأء :p

19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟

ما اسكنش ليه حد لاقى شقق اليومين دول
احنا عندنا اسانسير

20_ تقدر تروح الاماكن دي بالليل لوحدك ومن غير اى وسيله اتصال بالناس :_



1_ المقابر
اه اروح بس ممكن ما ارجعش
2_ جبل في منطقة بعيده
اه ديه سهلة
3_ تبقي في مركب في عرض البحر
يا ريت علشان اخلص من المدرسة


21_ انت خواف بنسبه كام في الميه؟

5%

22_ ايه رايك في الصوره دي




دي اخر صوره تم التقاطها في19 ديسمبر سنة 2003 في قصر هامبوتن المسكون ؟

انا مش فاهم منها حاجة غير ان واحد نماسك ملاية على الباب

23_ ايه اكتر فيلم رعب بتحبه؟

الفيلم الى يعرف يخوفنى بس لسه مافيش فيلم عرف لحد دلوقتى

وبكده تكون الاسئله خلاصت والبقى عليك (( الاجابه يعنى ))