اقتباس:
ليه كل اللى فوق لفل 80++ بيحسسنى انه زعيم او بمعنىشايف نفسه
ولا مثلا الكلام معاهم حرام ؟
|
والله في ناس بتبقي لفل 10 و 20 وبتبقي شايفه نفسها
وبعدين لما بتكون لفل 80 + بتحس ان كل اللي اقل منك بيكلم عشان مصلحه مش اكتر
فلما بيكلمك واحد اعلي منك او في لفلك بتحس ان مفيش مصلحه ده بالنسبه للبور لفل
وبعدين انا لما كنت صغير كنت اعرف ناس كتير لفلات 80 قبل مايفتحوا لفل 90 وكانو كويسين جدا
وناس قليلين هم اللي ممكن يعملوا اللي انت بتقول عليه
***
اقتباس:
حصل دلوقتى معايا فى السيرفر والله موقف تافه جدا من واحد مصرى تااافه لفل 83 بدون زكر اسماء
اديتو وولف لفل 29
مقابل انه يلفلى عشان انا عامل فارم
|
بصراحه ده بني ادم ربنا يسامحه مش هقول اكتر من كده
بس منصحش حد يعمل فارم الا لما يكون معاه اكونت كبير
ممكن تعمل كركتر ويزارد وتوصلو 65 وتلفل نفسك في الاونج وتعمل احلي بور لفل ممكن تتخيله
ومن غير ماتدي ولفات لحد ^_^
**********
اقتباس:
]المفروض اصلا يخلى عنده دم ويدينى جولد حتة سلف بس مش مهم
المهم خده منى والبارتى اتقفلت نقول بارتى مفيش
|
لا مش معاك في دي
هيدي لمين ولا لمين وبعدين المصرين كتير وكلو عايز ولا انت ايه رأيك ^^
***********
اقتباس:
|
انا مش زعلان على الوولف خاااالص , بس شوفه الموقف عامل ازاى
|
ياعم الولفات بتروح وبتيجي المهم الرجاله :D
امال لو اتلقلبت وانت لفل 78 وكل هدومك +5 فل بلو ومعاك 350 مليون وولف لفل 70 ^^
كنت قولت ايه عادي لكنا لها
************
اقتباس:
|
يعنى تاااااااافه جداااااا , سرق ولف لفل 29 المصيبة ان اللى سرقع واحد لفل 83 على ما اعتقد
|
يمكن مزنوق في ولف ياعم هيلفله لحد 83 "بس طريق صعب اوى "
ولعلمك الولف ده هيدفعه اكتر من تمنه وبكره يشوف ^^
***********
اقتباس:
|
والله بيبقا ليهم حق الناس لما يقولو المصريين حرامية
|
هنا بقي ونقف
لا كل المصرين حراميه ولا كل المصرين محترمين
ولا كل الالمان محترمين ولا كل الالمان حراميه
مفيش بلد في الدنيا مفيهاش الاتنين بس احنا عندنا عقده الخواجه نشوف واحد مش مصري واو مش ممكن وياسلام لو كان امريكي ولا الماني ولا فرنسي مش ممكن مش معقول انا اعرف واحد امريكي ولا الماني دانا عديت هو انا في زيي
كلهم بني ادمين والله وكلهم ولاد تسعه
وبعدين حراميه ايه اللي بتتكلم عليهم امال لو اتعاملت مع الاتراك هتقول ايه
ولما تتدخل بارتي شيطان ولا لورد وتبقي بفر وقبل مايموت الشيطان تتطرد من البارتي
ساعتها هتعمل ايه !!
علي طول مردر ملهاش حل تاني ^^
**************
اقتباس:
تانى بردوه واحد مصرى بدون ذكر اسماء هو شاب معفن بصراحة خنيق
عامل فرى اونج هو استاف فنا بقولو فى Pm السلام عليكم , عادى يعنى مكان هاى
لقيته نفضلى اخش البارتى يروح رافض ؟
بزمتكو انتو رأيكو ايه فى الناس دى؟
|
بصراحه الله يكون في عون اللي بيعمل تاكسي اونج انا شفت مع واحد صاحبي البدع
اينعم انا عمري ماعملت تاكسي لا اونج ولا غيره
بس شوفت اللي بيعمل فري اونج بيجراله ايه
1: لو هو عامل التاكسي فري من 1: 10 تقريبا كل الجيم من لفل 10 : 35 بيكلموه عشان يدخلو البارتي
2: خمسين واحد شغالين Ks عليه
3: غير اللي بيجيب تريد ويخلي الثيفات تموت الاكونت اللي بيلفله وممكن يموتوه هو اصلا
4:غير بقي اللي بيشتموه طول اليوم بسبب ومن غير سبب
حط نفسك مكانه
انا لو لو عملت تاكسي فري في الاونج هشغل البوت وادوس F12 وادوس V اقفل الشاشه
عشان محرقش دمي ع الفاضي
***********
اقتباس:
لما تقول لواحد لفل 80 او 90 مثلا مصرى انت واد جدع تمام ومش عارف , يفتكرك انك بتقولو كدا
للمصلحة يعنى
|
مش معقوله واحد لفل 30 هيقول لواحد لفل 90 انت جدع غير عشان مصلحه ده من الاخر واي واحد يقول غير كده معلش يبقي كداب
و
اقتباس:
كل دا حصل معايا على فكرة وكتير جدااااااا
انا فى Tibet ------ اسمى _T
|
انا لو معاك في تيبت كنت ظبطك بس انا في مارس
وفي النهايه دي مجرد لعبه يا جماعه في ستين داهيه ام الجولد ولا الولف المهم اني اعرف راجل
والله لو هخسر الاكونت في مقابل اني اعرف اللي قدامي راجل ولا لا في داهيه الاكونت
بيقولك اعرف راجل تعيش راجل