أحنا جيل عايش بمزاجه !!!
بصراحة احنا عايزين نعيشها ونقضيها قبل ما نكبر ورتروح علينا عايزين نعيش بمزاجنا وبالطريقه اللى تعجبنا
( غلط أو صح ) مش مهم ، المهم نظبط أيامنا .
جيلنا جيل فاهم كل حاجه ، محدش يعرف يضحك علينا ولا نصاب ينصب علينا
عارفين بنعمل أيه وعارفين نظامنا أيه ؟
كله فى اللذيذ !نخرج ف الوقت اللى على مزاجنا ونروح الحته اللى تعجبنا ولو ستى ستارز يبقى قشطة ، يلا على هناك ،
لكن لو جراند حياة يبقى أحسن نشوف فى جبنا كام ،
طيب شله ولا مجموعه بنات مع ولاد ، كافيه ولا سنيما ونتمشى وناخد كانزات .
" الجامعه هى حياتنا وممكن تكون خنقتنا "
مش عارف / ه مزاجى ماله !
الجامعه حياتنا وممكن تكون خنقتنا مش مهم المحاضرة الاولى بس التانيه لازم دنا ورايا معاد مع بنت أمورة
أهو يومين كده وأصاحب صاحبتها وتظبطنى معاها .
عايزة أصاحب ولد يكون أنتيمى وأحكيلو ويحكيلى كفايه بقى صحوبيه بنات بلا خنقه
مش عارفه مزاجى ماله انهارده ؟ يمكن عشان مخدتش النسكافيه بتاعى طيب أطلب العيال ونتفق على خروجه جامده قبل الساعه 5 عشان ألحق اروح وبابا ما يقوليش كنت فين ؟ ويبقى حوار مالوش لازمه .
إيه يا معلم مالك ؟
مش عارف يا مان من ساعت ما شوفتها وأنا عايز أكلمها ،
طب أروح أكلمهالك ؟ وأشوفلك نظامها أيه ؟ قشطه عليك يا مان ..
يا معلم ده البت واقعه على الأخر دى ما صدقت واديتنى موبايلها وقالتلى اوكى خليه يكلمنى بالليل
وأى خدمه يا معلم .......
بجد أحنا جيل ملوش حل ومعندوش مشاكل حلال للمشاكل ودايما طريقنا واحد وطريقه حياتنا واحدة
وقرارتنا اسرع من تفكيرنا وبس يا مان