انا كنت واخد قرار انى ماشتركش فى المنتدى الا فى حالات ضرورى او مهمة
وانا شايف ان موضوعك من المواضيع المهمة اللى لازم احضرة وارد عليه
لانة فعلا من أهم واحلى المواضيع اللى ممكن اقابلها على كل المنتديات تقريباً
هاتقرب الاعضاء من بعض
وهايبقى موضوع صفحاته عباره عن مواقف جميلة حتى لو ذكرى سيئة
بردة الكل هايحب يقراها
ويستمتع بالموضوع
مش هايبقى فيه مشكور والى الامام والكلام الروتينى دا
هابدأ انا
احسن ذكرى ليا هنا فى المنتدى
يوم ماخالد كلمنى على الايميل وقالى انا ناوى اعمل موقع لسيلك رود
قلتله عظيم كويس اوى
وكانت الفرحة الاحلى انه ادانى عنوان الموقع قبل مايشترى اسمه
يعنى قبل مايخلية
silkroad4arab
كان مديهولى عبارة عن ارقام وايبهات للمساحه
دخلت وكنت اول واحد يسجل :p:p:p:p:p
وفرحت لما كنت بلاقى المنتدى يكبر يوم عن يوم
وكان خالد معايا فى الجيلد وكنا بنتكلم ونضحك كتير على المواقف اللى بتحصل فى المنتدى واللى لما حد فى السيرفر يعرف انه خالد صاحب موقع silkroad4arab كانت بتحصل مواقف كلها ضحك ومواقف جميلة وذكريات فى منتهى الروعة
ومن بعدها عرفت DARK احسن مشرف لاقسام البوت حتى وقتنا هذا مع احترامى لمشرفين البوت السابقيين والحاليين
كان ممتاز بمعنى الكلمة
وكان برده بيتكلم معايا انا وخالد وكانت مابينا مواقف جميلة اوى
واللى خلانى اقول كدا ان المنتدى هو السبب فى تعارفى عليه
وبرده هافتكر ذكرى صغيرة بمناسبة Amr Mando واغيظة شوية :p:p:p:p
انا فاكر فى يوم دخلت لاقيت مشكلة كبيرة حول موضوع كان عمله عمرو بس كان منقول
والناس ردت وقالت منقول وحاجات كتير حصلت وكان دا اول تعارف على عمرو ماندو
لانى كنت مشرف ساعتها وكنت لازم ارجع الحقوق وماتاخرش عمرو وكتب منقول من فلان وكمان على مااظن انه كلمة
وشك بقى احمر ياعمرو :p:p:p:p
ومن احسن الذكريات تعارفى على اسامة ولف WOLF
انا اتعرفت عليه من فترة بس بعد مابقى المنتدى بسم الله ما شاء الله كبر واعضاءة كترت
وكان اسامة من الناس اللى فكرتنى باصحابى القدام فى المنتدى وفكرنى باحلى ايام قضيتها فى المنتدى
ومن بعده برضه مانكرش اتعرفت على ناس جميلة من أهمهم أدهم DonTonBeno
واللى بفتخر بمعرفتة لحد دلوقتى
وايضا Kurabika من الناس اللى كسبتهم فى المحرلة اللى فاتت واللى اتسبب المنتدى انى اعرفهم
انا نسيت ناس كتير معلش اعذرونى بس انا ذكرياتى مع المنتدى كبيـــــرة اوى
لان عمر عضويتى زى عمر المنتدى بالظبط
نيجى بقى للذكريات الوحشة
اوباااااا
جينا للوقت اللى كل هايدمع فيه ويعيط ويملى المنتدى دموع :d
طبعا بلا شك اسوء ذكرى اللى حصل من الادارة ضدى
وكلام بعض الاخوة المشرفين
بس الحمد لله المشرفين فهموا الصح وعرفونى وجهة نظرهم وانا لحد دلوقتى بعتبرهم اخواتى لانهم فعلا من الناس المحترمة جدا
ومثال اخى العزيز رامى no_one و adem
لكن الادارة العليا او بمعنى أصح رقم 2 ( بمشى تبع المثل انت فى حالك وانا فى حالى ) وليس لى اى علاقة بهذه الادارة سواء حاليا او مستقبلاً
انا رغيت اوى :p:p:p:p
تحيتى